ခေါင်းကိုက်ခြင်း

ခေါင်းကိုက်ခြင်းလို့ပြောမယ်ဆိုရင်တော့ ကျယ်ပြန့်တဲ့ အသုံးနှုန်း တစ်ခုဖြစ်ပါတယ်။ ခေါင်းကိုက်တယ်ဆိုတာဟာ ဦးခေါင်းရဲ့ ဘယ်အစိတ်အပိုင်းမှာမဆို နာကျင်ကိုက်ခဲတာကို ဆိုနိုင်ပြီး တစ်ခါတစ်ရံ ဦးခေါင်းရဲ့ နှစ်ဖက်လုံး သို့မဟုတ် တစ်ဖက်တစ်နေရာတည်းမှာ နာကျင်ကိုက်ခဲတာမျိုးကိုလည်း ဆိုနိုင်ပါတယ်။

ခေါင်းကိုက်ဝေဒနာခံစားရတဲ့ လူနာတွေဟာ ခေါင်းထဲမှာ စူးပြီးကိုက်တာမျိုး၊ ထိုးအောင့်ပြီး ကိုက်တာမျိုးစသဖြင့် ပုံစံအမျိုးမျိုးနဲ့ ခံစားကြရပါတယ်။ တချို့လူတွေမှာ ရုတ်တရက် ကိုက်ခဲလာပြီး တစ်နာရီလောက်နေရင် ပျောက်သွားတတ်ပေမယ့် တချို့လူတွေမှာ ရက်အနည်းငယ်ကြာ ပျောက်လိုက် ကိုက်ခဲလိုက်နဲ့ ဖြစ်နေတတ်ပါတယ်။

ခေါင်းကိုက်ခြင်းကို ဆေးပညာအရ အဓိပ္ပါယ်ဖွင့်ဆိုကြတာ အမျိုးမျိုးရှိပါတယ်။ International Headache Society (HIS) ရဲ့ အဓိပ္ပါယ်ဖွင့်ဆိုမှုအရ ခေါင်းကိုက်ခြင်းကို နှစ်မျိုးခွဲခြားပါတယ်။ ပထမတစ်မျိုးကတော့ Primary Headache ပါ။ Primary Headache က ဖျားနာတဲ့အခါ ဒါမှမဟုတ် ဦးနှောက်ထဲမှာ ဓာတုဗေဒပြောင်းလဲမှုတွေ ဖြစ်တဲ့အခါမှာ ဖြစ်တတ်ပါတယ်။ ဦးနှောက်ထဲက နာကျင်မှုကိုခံစားစေတဲ့ စနစ်တွေပျက်ယွင်းရင်လည်းဖြစ်တတ်ပါတယ်။ Primary Headache တွေရဲ့ ပုံစံတွေက ခေါင်းတစ်ခြမ်းကိုက်ခြင်း၊ ခေါင်းတစ်ခုလုံး ကိုက်ခဲခြင်း၊ ဦးခေါင်းတစ်ခုလုံးတောင့်တင်းပြီး ကိုက်ခဲခြင်းများ ဖြစ်ပါတယ်။ တချို့သော ခေါင်းကိုက်မှုပုံစံတွေက Primary ဖြစ်နိုင်သလို Secondary လည်းဖြစ်နိုင်ပါတယ်။ ဥပမာ- အပူချိန် သို့မဟုတ် ပြင်ပမှ ဖိအားတစ်ခုနဲ့ တိုက်ရိုက်ထိတွေ့မှုကြောင့် ခေါင်းကိုက်ခြင်း၊ ဦးရေပြားပေါ်တွင် နာကျင်ခြင်း၊ ကိုယ်လက်လှုပ်ရှားမှုများခြင်းနဲ့ အခြားသော အထွေထွေအကြောင်းတရားများကြောင့် ခေါင်းကိုက်ခြင်းတို့ပဲဖြစ်ပါတယ်။

Secondary Headache ဆိုတာကတော့ ဦးခေါင်းထဲက နာကျင်မှုကိုအာရုံခံစားနိုင်တဲ့ အာရုံကြောတွေ လှုံ့ဆော်ခံရလို့ဖြစ်လာရဖြင်းဖြစ်ပါတယ်။ အရက်အလွန်အကျွံသောက်ပြီး မအီမသာဖြစ်တဲ့အခါ ဖြစ်တတ်သလို လေဖြတ်ခြင်းနဲ့ အေးခဲတဲ့ အစားအစာတွေကို လျင်လျင်မြန်မြန်စားသုံးခြင်းတွေဟာလည်း Secondary Headache ကိုဖြစ်စေပါတယ်။ Secondary Headache ကို ပိုဆိုးစေတဲ့ အကြောင်းတရားတွေကတော့ သွေးခဲခြင်း၊ ဦးနှောက်အေးခဲခြင်း (ice cream Headache လို့လည်းခေါ်ပါတယ်)၊ ကာဗွန်မိုနောက်ဆိုဒ် အဆိပ်သင့်ခြင်း၊ ပြင်းထန်စွာထိခိုက်ခြင်း၊ ရေဓါတ်ခမ်းခြောက်ခြင်း၊ မျက်စိရေတိမ်၊ တုတ်ကွေး၊ အကိုက်အခဲပျောက်ဆေးများကို အလွန်အကျွံသုံးစွဲခြင်း၊ ပြင်းထန်စွာ ထိတ်လန့်ခြင်းနဲ့ လေဖြတ်ခြင်းတို့ပဲဖြစ်ပါတယ်။

ခေါင်းကိုက်တယ်ဆိုတာ လူတော်တော်များများသိတဲ့ ဝေဒနာဖြစ်ပါတယ်။ တကယ်တော့ လူတိုင်းက ဘ၀မှာ တစ်ကြိမ်တစ်ခါလောက်တော့ ခေါင်းကိုက်တာကိုကြုံဖူးကြမှာပါ။ ခေါင်းကိုက်ဝေဒနာဟာ ရှေးကျတဲ့ ဘေဘီလိုနီးယန်းခေတ်မှာကတည်းက တွေ့ရတဲ့ မှတ်တမ်းတွေမှာ ပါဝင်နေပါတယ်။ သမိုင်းမှာ ထင်ရှားကျော်ကြားတဲ့ နပိုလီယန်ဟာလည်း ပြင်းထန်တဲ့ ခေါင်းကိုက်ဝေဒနာကို ခံစားခဲ့ရတယ်လို့ အထောက်အထားတွေက ဆိုပါတယ်။

ကျွမ်းကျင်ပညာရှင်တွေကတော့ ခေါင်းကိုက်ရောဂါဟာ ဘာတွေကြောင့်ဖြစ်တယ်ဆိုတာကို ပြောဖို့ ခက်ခဲတယ်လို့ ဆိုပါတယ်။ လူတစ်ဦးနဲ့တစ်ဦးဟာ နာကျင်မှုကို ခံစားကြတာ မတူကြလို့ပဲဖြစ်ပါတယ်။

ခေါင်းတစ်ခြမ်းကိုက်ခြင်း (Migraine Headache)  ဟာ လက်ရှိ အတွေ့များလာနေတဲ့ Case တစ်ခုဖြစ်လာပါတယ်။ ဆေးရုံ၊ ဆေးပေးခန်းတွေမှာ တော်တော်များများ မြင်တွေ့လာရတာမို့ ဒီဆောင်းပါးမှာ ခေါင်းတစ်ခြမ်းကိုက်ခြင်းအကြောင်းကို အသားပေးဖော်ပြသွားမှာဖြစ်ပါတယ်။

အမေရိကန်နိုင်ငံမှာ ပြုလုပ်ထားတဲ့ လေ့လာမှုတစ်ခုအရ ခေါင်းတစ်ခြမ်းကိုက်ခြင်းဟာ အမျိုးသားတွေထက် အမျိုးသမီးတွေ ပိုမိုခံစားရလေ့ရှိတယ်လို့ဆိုပါတယ်။ လူပျို၊ အပျိုဖော်မ၀င်ခင်က ယောက်ျားလေးတွေဟာ မိန်းကလေးတွေထက် ခေါင်းတစ်ခြမ်းကိုက်ခြင်းကို မသိမသာခံစားရလေ့ရှိပေမယ့် အတူတူလောက်ဘဲလို့ ဆိုပါတယ်။ တစ်ဦးချင်းတစ်ယောက်ချင်းအနေနဲ့တော့ အသက် ၁၂နှစ်ကျော်မှာ ပိုခံစားရလေ့ရှိပြီး အသက် ၄၀ ကျော်သွားရင်တော့ တဖြည်းဖြည်းလျော့ကျသွားတယ်လို့ ဆိုပါတယ်။ အာရှက အမျိုးသမီးတွေနဲ့ အမေရိကန်ပြည်ထောင်စုက အမျိုးသမီးတွေကို နှိုင်းယှဉ်ကြည့်ရင်တော့ အမေရိကန်ပြည်ထောင်စုက အမျိုးသမီးတွေက ခေါင်းကိုက်ဝေဒနာကို ပိုခံစားရတယ်လို့ ဆိုပါတယ်။

၁၉၄၀ ခုနှစ်လောက်မှာ ခေါင်းတစ်ခြမ်းကိုက်ခြင်းဟာ ဦးနှောက်ရဲ့ရှေ့ခြမ်းဖြစ်တဲ့ Cerebrum ကို သွားတဲ့ သွေးလွှတ်ကြောတွေ ပိတ်ဆို့လို့ ဒါမှမဟုတ် သွေးလွှတ်ကြောတွေ တင်းအားကြောင့်လို့ ယူဆခဲ့ကြတာဖြစ်ပါတယ်။ ပထမဆုံး သွေးလွှတ်ကြောတွေရဲ့ တင်းအားကြောင့် ဦးနှောက်ဆီသွားတဲ့ သွေးစီးဆင်းမှုဟာ နည်းသွားပြီး သွေးလွှတ်ကြောတွေ ပြန်ပြေလျော့တဲ့အခါ သွေးစီးဆင်းမှုပြန်တက်သွားတာဟာ ကိုက်ခဲမှုကိုဖြစ်စေတယ်လို့ ယုံကြည်ခဲ့ကြတာပါ။ နောင်နှစ်ပေါင်း ၃၀ လောက်အကြာမှာတော့ ဓါတုပစ္စည်းတွေဖြစ်တဲ့ Dopamine နဲ့ Ser၀tonin တွေဟာ ခေါင်းတစ်ခြမ်းကိုက်ခြင်းအတွက် အရေးကြီးတဲ့ အရာတွေဖြစ်တယ်ဆိုတာ တွေ့ရှိခဲ့ပါတယ်။ Dopamine နဲ့ Serotonin ဟာ Neurotransmitters တွေဖြစ်ပြီး ပုံမှန် ဦးနှောက်ထဲမှာ ရှိတာဖြစ်ပါတယ်။ သွေးကြောတွေရဲ့ မူမမှန်မှုကိုဖြစ်စေနိုင်တာမို့ အရေးကြီးတဲ့အရာတွေအဖြစ် တွေ့ရှိလာတာဖြစ်ပါတယ်။

ခေါင်းတစ်ခြမ်းကိုက်ခြင်းကို ပိုမိုဆိုးရွားစေတဲ့ အကြောင်းတရားတွေရှိပါတယ်။ တချို့သူတွေမှာ ဆေးလိပ်သောက်ခြင်းက ပိုမိုဆိုးရွားစေပြီး၊ အစားအသောက်တွေထဲမှာဆိုရင်တော့ ချောကလက်၊ ဒိန်ခဲ၊ မြေပဲ၊ အရက်နဲ့ အချိုမှုန့် (Monosodium Glutamate) များဟာ ခေါင်းတစ်ခြမ်းကိုက်ခြင်းကို ပိုဆိုးစေပါတယ်။ စားချိန်၊ အိပ်ချိန် ပုံမှန်မဟုတ်တာကလည်း ခေါင်းတစ်ခြမ်းကိုက်ခြင်းကို ဆိုးဝါးစေပါတယ်။ လူတွေက ရုပ်ပိုင်းဆိုင်ရာလှုပ်ရှားမှုများတဲ့အခါ ဒါမှမဟုတ် စိတ်လှုပ်ရှားမှုတွေများတဲ့အခါ၊ စိတ်ဖိစည်းမှုတွေများတဲ့အခါ ခေါင်းကိုက်တတ်ပါတယ်။ သန္ဓေတားဆေးသုံးစွဲတဲ့ အမျိုးသမီးတွေဟာလည်း ခေါင်းကိုက်တတ်ပါတယ်။ ဒါကိုတော့ Estrogen Withdrawal Headache လို့လည်း ခေါ်ပါတယ်။

ခေါင်းတစ်ခြမ်းကိုက်ခြင်း (Migraine) ရဲ့ လက္ခဏာတွေကတော့

§  ဂဏာမငြိမ်ဖြစ်ခြင်း၊

§  စိတ်ဓါတ်ကျခြင်း၊

§  စိတ်လှုပ်ရှားခြင်း၊

§  အမြင်အာရုံမှာ flash light ပေါ်ခြင်း၊

§  အလင်းရောင်ကိုကြောက်ခြင်းနဲ့အသံကိုကြောက်ခြင်း၊

§  ကိုယ်လက်မအီမသာဖြစ်ခြင်းတို့ပဲဖြစ်ပါတယ်။

ခေါင်းကိုက်ခဲခြင်းက ၆နာရီကနေ ၂၄နာရီထိ ကြာတတ်ပါတယ်။ ဦးခေါင်းဒဏ်ရာနဲ့ တချို့သောဆေးဝါးများ (Nitroglycerine, Histamine, Reserpine, Hydralazine, Ranitidine, Estrogen) ဟာ ခေါင်းတစ်ခြမ်းကိုက်ခြင်းနဲ့ ဆက်နွှယ်နေပါတယ်။

ကုသနည်း

ဆောင်းပါးမှာ ရေးသားဖော်ပြခဲ့တဲ့ ခေါင်းတစ်ခြမ်းကိုက်ခြင်းကိုဖြစ်စေတဲ့ အရာတွေကို ရှောင်ရပါမယ်။ ဥပမာ- စားချိန်မမှန်ခြင်း၊ စိတ်ဖိစည်းမှု၊ ခေါင်းတစ်ခြမ်းကိုက်ခြင်းကိုဖြစ်စေတဲ့ အစားအစာတွေဖြစ်ပါတယ်။

များသောအားဖြင့် ခေါင်းကိုက်ဝေဒနာကို သက်သာအောင် အောက်ပါဆေးဝါးတွေကို လူနာရဲ့ အခြေအနေပေါ်မူတည်ပြီး ပေးလေ့ရှိပါတယ်။

-       Beta-blockers

-       Tricyclic antidepressants

-       Anticonvulsants

-       Calcium channel blockers,

-       Cyproheptadine (Periactin)

-       NSAIDs

အခြားနည်းလမ်းများ

၁။ ဓါတ်အပ်စိုက်ခြင်း

ဆေးပညာရှင်တွေရဲ့ အဆိုအရ ဓါတ်အပ်စိုက်ခြင်းဟာလည်း ခေါင်းတစ်ခြမ်းကိုက်တာကို သက်သာစေတယ်လို့ ဆိုပါတယ်။ ဓါတ်အပ်စိုက်ပညာရှင်က ခေါင်းကိုက်တာ သက်သာစေဖို့အတွက် အရေပြားပေါ်ကို သက်ဆိုင်ရာ အမှတ်တွေကို ဓါတ်အပ်စိုက်ပြီး ကုသတာဖြစ်ပါတယ်။

၂။ Massage Therapy

စိတ်ဖိစည်းမှုများလို့ပဲဖြစ်ဖြစ် အကြောပြေချင်လို့ပဲဖြစ်ဖြစ် ခုခေတ်မှာ Massage Therapy ယူတဲ့သူတွေ များလာပါတယ်။ ခေါင်းတစ်ခြမ်းကိုက်ခြင်းအတွက်လည်း Massage Therapy ဟာ သက်သာစေပါတယ်။ သုတေသနပညာရှင်တွေကတော့ ခေါင်းတစ်ခြမ်းကိုက်ခြင်းအတွက် Massage Therapy ရဲ့ ကောင်းကျိုးတွေကို ဆက်လက်လေ့လာနေကြဆဲဖြစ်ပါတယ်။

၃။ ဆေးဝါး

Riboflavin (B-2) ကို High dose ပေးရင်လည်း ခေါင်းတစ်ခြမ်းကိုက်ခြင်းကို လျော့ကျစေပါတယ်။ ကိုယ်ဝန်ဆောင် အမျိုးသမီးတွေအတွက်တော့ ဆရာဝန်ရဲ့ လမ်းညွှန်ချက်ကိုယူရပါမယ်။ Coenzyme Q-10 သည်လည်း ခေါင်းကိုက်ခြင်းကို သက်သာစေတယ်ဆိုပေမယ့်အတိအကျပြောဖို့ လေ့လာမှုတွေအများကြီး လိုနေပါသေးတယ်။

ကျွန်တော်တို့ နိုင်ငံက လူအတော်များများက ခေါင်းကိုက်ဝေဒနာပဲဖြစ်ဖြစ် အခြားရောဂါဝေဒနာပဲဖြစ်ဖြစ် အကိုက်အခဲပျောက်ဆေးတွေကို ကိုယ့်သဘောနဲ့ အလွယ်တကူ သုံးစွဲနေကြတာများပါတယ်။ အကိုက်အခဲပျောက်ဆေးတွေဟာ ဘေးထွက်ဆိုးကျိုးတွေရှိတာမို့ သတိပြုစရာတွေရှိပါတယ်။

အကောင်းဆုံးကတော့ တတ်ကျွမ်းနားလည်တဲ့သူနဲ့ သေချာပြသဆွေးနွေးပြီး မှန်ကန်တဲ့ ကုသမှုကို ခံယူဖို့လိုပါတယ်။

ယနေ့ခေတ်မှာ မိုဘိုင်းဖုန်းနှင့် ကွန်ပျူတာအသုံးပြုမှုများတာတွေကြောင့် ခေါင်းကိုက်ဝေဒနာကို ခံစားရသူတွေများလာနေပါတယ်။ တခြားအကြောင်းတရားတွေကြောင့်လည်း ခေါင်းကိုက်ခြင်းဝေဒနာကို ခံစားနေကြရတဲ့သူတွေရှိပါတယ်။ ဘယ်လိုအကြောင်းပဲဖြစ်ဖြစ် ကျန်းမာရေးအသိပညာရှိဖို့ဟာလည်း အရေးကြီးတာမို့ ဒီတစ်ပတ်မှာတော့ ခေါင်းကိုက်ဝေဒနာအကြောင်းကို ရေးသားတင်ဆက်လိုက်ပါတယ်။ ကျန်းမာပျော်ရွှင်သောဘ၀များကို ပိုင်ဆိုင်ကြပါစေ။

ဝိုင်

အရိုးပွခြင်းအကြောင်းသိကောင်းစရာ

လူအတော်များများက အရိုးဆိုတာ မာကြောတယ်၊ အသက်မရှိတဲ့အရာတစ်ခုလို့ တွေးထင်ကြပါတယ်။ တကယ်တော့ အရိုးဆိုတာ အသစ်ဖြစ်ပေါ်လိုက် ပျက်စီးသွားလိုက်နဲ့ အဆက်မပြတ်ဖြစ်နေတဲ့ တစ်ရှုးတစ်မျိုးပဲဖြစ်ပါတယ်။ အရိုးပွတဲ့သူတွေမှာတော့ ပျက်စီးသွားတဲ့ တစ်ရှုးနေရာတွေမှာ အသစ်ဖြစ်ပေါ်မယ့် တစ်ရှုးတွေက အစားမထိုးနိုင်တော့ပဲ ဖြစ်နေမှာပါ။

ငယ်ရွယ်တဲ့ကလေးဘ၀မှာ အရိုးတွေရဲ့ဖွံ့ဖြိုးမှုဟာ မြန်ဆန်ပေမယ့် အသက်ကြီးလာတာနဲ့အမျှ တဖြည်းဖြည်း အားနည်းလာပါတယ်။ အရိုးတွေဆန့်ထွက်မှုက အသက် ၁၆နှစ်နဲ့ ၁၈ကြားမှာ ရပ်သွားပါတယ်။ အရိုးသိပ်သည်းဆကတော့ အသက် ၂၀ နောက်ပိုင်းအထိ ဖွံ့ဖြိုးပါတယ်။

အရိုးအားနည်းလာခြင်းဟာ အသက်ကြီးလာတာနဲ့အမျှ ဖြစ်တတ်တဲ့ ပုံမှန်ဖြစ်စဉ်တစ်ခုဖြစ်ပေမယ့် အချို့လူတွေမှာတော့ အရိုးပွခြင်းနဲ့ အရိုးကျိုးလွယ်ခြင်းစတာတွေဖြစ်ကြပါတယ်။

အရိုးပွလာခြင်း(Osteoporosis)က အရိုးတွေကို အားနည်းလာစေပြီး ကျိုးလွယ်ကြေလွယ်ပါတယ်။ အရိုးပွတဲ့သူတွေမှာ ချော်လဲတာ၊ အလေးအပင် မတာ စတဲ့နေရာမျိုးတွေမှာ လွယ်လွယ်ကူကူနဲ့ အရိုးကျိုးလွယ်ပါတယ်။ အရိုးပွခြင်းကြောင့် အကျိုးလွယ် ထိခိုက်လွယ်ဆုံး အတွေ့ရများတဲ့နေရာတွေကတော့ တင်ဆုံရိုး၊ လက်ကောက်ဝတ်နဲ့ ကျောရိုးဖြစ်ပါတယ်။

အရိုးပွခြင်းက အမျိုးသားမှာရော အမျိုးသမီးမှာပါ ဖြစ်နိုင်ပြီး လူမျိုးမရွေးပါဘူး။ အမျိုးသမီးတွေမှာတော့ သွေးဆုံးပြီးချိန်မှာ အရိုးပွခြင်းဖြစ်ဖို့ အမြင့်မားဆုံးဖြစ်ပါတယ်။  နည်းလမ်းမှန်တဲ့ အစားအသောက်၊ အလေးမတဲ့လေ့ကျင့်ခန်းတချို့ကတော့ အရိုးပွတာကို သက်သာစေပြီး အရိုးအားနည်းခြင်းကို ကာကွယ်ပေးပါတယ်။

လက္ခဏာများ

ü  ကျောရိုးများ ယိုယွင်းလာသောကြောင့် ခါးနာခြင်း

ü  အရပ်ဖွံ့ဖြိုးမှု နိမ့်ကျလာခြင်း

ü  ခါးကုန်းလာခြင်း

ü  အရိုးကျိုးလွယ်ခြင်း

ဘယ်လိုလူတွေဖြစ်နိုင်သလဲ

အရိုးပွခြင်းကိုဖြစ်နိုင်သောအကြောင်းအရာများထဲမှာ တချို့အကြောင်းအရာတွေက ကျွန်တော်တို့တွေ ပြုပြင်လို့ မရတာတွေပါဝင်ပါတယ်။ ဥပမာ- အမျိုးသမီးဖြစ်နေခြင်း၊ အသက်အရွယ်အရဖြစ်ခြင်း၊ မျိုးရိုးလိုက်ခြင်းနဲ့ ခန္ဓာကိုယ်အရွယ်အစား။

Sex Hormones တွေ နည်းလာတာဟာလည်း အရိုးကို အားနည်းစေပါတယ်။ အမျိုးသမီးတွေမှာဆိုရင် သွေးဆုံးချိန်မှာ Oestrogen (အီစထရိုဂျင်) ဟော်မုန်းတွေ နည်းလာပါတယ်။ ဒါဟာ အရိုးပွခြင်းကို ဖြစ်စေဖို့ အခြေအနေတစ်ခုဖြစ်ပါတယ်။ ကင်ဆာကုသမှုကို ခံယူနေတဲ့ အမျိုးသမီးတွေမှာလည်း အီစထရိုဂျင်ဟော်မုန်းတွေ နည်းပါတယ်။ အမျိုးသားတွေမှာတော့ အသက်အရွယ်ကြီးလာတာနဲ့ Testosterone (တက်စတိုစတီရုန်း) ဟော်မုန်းတွေ နည်းလာပါတယ်။ ဆီးကျိတ်ကင်ဆာအတွက် ကုသမှုခံယူနေရတဲ့ အမျိုးသားတွေမှာလည်း ဒီဟော်မုန်းနည်းတဲ့အတွက် အရိုးတွေကို အားနည်းစေပါတယ်။ သိုင်းရွက်ဟော်မုန်းတွေများလာရင်လည်း အရိုးတွေကို ပျက်စီးစေပါတယ်။ အထူးသဖြင့် သိုင်းရွက်ဟော်မုန်းကုသမှုမှာ သိုင်းရွက်ဟော်မုန်းဆေးဝါးတွေ သောက်သုံးရသူတွေမှာဖြစ်တတ်ပါတယ်။ Calcium ဓါတ်ချို့တဲ့မှုဟာလည်း အရိုးပွခြင်းကို ဖြစ်စေဖို့ အကြောင်းအရင်းတစ်ခုဖြစ်ပါတယ်။ Calcium ဓါတ် ရယူမှုနည်းတဲ့အခါ အရိုးတွေရဲ့ သိပ်သည်းဆဟာ လျော့လာမယ် ပြီးတော့ အလွယ်တကူကျိုးလွယ်ပါတယ်။ မစားချင်မသောက်ချင်တဲ့သူတွေ အစားအလွန်ရှောင်သူတွေဟာလည်း အရိုးပွခြင်းကို ခံစားရနိုင်ပါတယ်။ အစားအသောက်နည်းတဲ့အတွက် ခန္ဓာကိုယ်က ရရှိမယ့် ကယ်လိုရီပမာဏ၊ ပရိုတိန်းနဲ့ ကယ်လ်စီယမ်တွေက နည်းပါးသွားပါတယ်။ အမျိုးသမီးတွေမှာဆိုရင် အစားရှောင်တဲ့အတွက် Menstruation (ရာသီလာခြင်း)ကို ပါ ပုံမှန်မဖြစ်စေဘဲ အရိုးတွေကို အားနည်းစေပါတယ်။ အစားရှောင်တဲ့ အမျိုးသားတွေမှာတော့ Sex Hormones တွေနည်းပြီး အရိုးတွေကို အားနည်းလာစေပါတယ်။ အစာအိမ်နဲ့ အူလမ်းကြောင်းတစ်လျှောက်မှာ ခွဲစိတ်ပြုပြင်ထားသူတွေမှာလည်း အရိုးအတွက် လိုအပ်တဲ့ အာဟာရဓါတ်တွေ စုပ်ယူမှုအားနည်းတာကြောင့် အရိုးပွခြင်းကို ဖြစ်စေပါတယ်။ Predisone နဲ့ Cortisone လိုဆေးဝါးတွေကို ရေရှည်သောက်သုံးနေရတဲ့သူတွေမှာ ဆေးဝါးကြောင့် အရိုးဖွံ့ဖြိုးမှုကို ဟန့်တားစေပြီး ဘေးထွက်ဆိုးကျိုးအနေနဲ့ အရိုးပွခြင်းကို ခံစားရနိုင်ပါတယ်။ အချိန်ကြာမြင့်စွာအထိုင်များသူတွေ၊ အရက်အလွန်အကျွံသောက်သုံးသူတွေနဲ့ ဆေးရွက်ကြီးသုံးစွဲသူတွေမှာလည်း အရိုးပွနိုင်ချေများပါတယ်။

အရိုးပွလာရင် ဆေးဝါးတွေ ဟော်မုန်းကုထုံးတွေနဲ့ ကုသကြပါတယ်။ ပြီးတော့ ကျွန်တော်တို့ရဲ့ လူနေမှုဘ၀ပုံစံကို ပြောင်းလဲတာမျိုးတွေ လုပ်နိုင်ပါတယ်။ ဆေးလိပ်သောက်ခြင်းဟာ အရိုးပျက်စီးစေတာမို့ ဆေးလိပ်သောက်သုံးမှုကို ရှောင်ရပါမယ်။ အရက်အလွန်သောက်သုံးခြင်းကလည်း အရိုးတစ်ရှုးတွေ အသစ်ဖြစ်ပေါ်မှုကို ဟန့်တားတာမို့ ရှောင်ရပါမယ်။

ကာကွယ်ရန်နည်းလမ်းများ

အရိုးဖွံ့ဖြိုးမှုမှာ အဓိက ကျတဲ့ Calcium ပမာဏ ကို လုံလောက်အောင် သုံးစွဲရပါမယ်။ အသက် ၁၈-၅၀ ကြား အမျိုးသား၊ အမျိုးသမီးတွေမှာ နေ့စဉ် Calcium ပမာဏ 1000 မီလီဂရမ်လိုအပ်ပါတယ်။ အမျိုးသမီးတွေက အသက် ၅၀နဲ့ အမျိုးသားတွေက အသက် ၇၀ လောက်ဆိုရင်တော့ နေ့စဉ် Calcium လိုအပ်မှုပမာဏက 1200 မီလီဂရမ်ထိ တိုးသွားပါတယ်။ Calcium ကို ကောင်းကောင်းရနိုင်တဲ့ အစားအစာတွေကတော့ အဆီနည်းသော နို့ထွက်ပစ္စည်းများ၊ အစိမ်းရင့်ရောင် ဟင်းသီးဟင်းရွက်များ၊ ဆော်လမွန်ငါးများ၊ ငါးသေတ္တာများ၊ ပဲမှပြုလုပ်သောအစားအစာ (တိုဖူး)၊ လိမ္မော်ရည်နဲ့ ကောက်ပဲသီးနှံများဖြစ်ပါတယ်။ Calcium ဓါတ်ကြွယ်ဝတဲ့ အစားအသောက်တွေ မရနိုင်တာမျိုး၊ ရှားပါးတာမျိုးဆိုရင်တော့ ဆေးဆိုင်တွေမှာ Calcium ဆေးပြားလေးတွေရှိပါတယ်။ Calcium ကို ဖြည့်စွက်စာအနေနဲ့ ဆရာဝန်ညွှန်ကြားမှုခံယူပြီး သောက်သုံးလို့ရပါတယ်။ မိမိသဘောအတိုင်း Calcium တွေကို အလွန်အကျွံသောက်သုံးမှုက နှလုံးနဲ့ပတ်သက်တဲ့ ပြသာနာတွေ၊ ကျောက်ကပ်မှာ ကျောက်တည်တာတွေ ဖြစ်နိုင်တာမို့ ဆရာဝန်နဲ့ တိုင်ပင်သင့်ပါတယ်။

Calcium စုပ်ယူမှုကို အားပေးတဲ့ Vitamin D ကလည်း အရေးကြီးပါတယ်။ လူတွေတော်တော်များများကတော့ Vitamin D ကို နေရောင်ခြည်ကနေ ရကြပါတယ်။ တချို့လူတွေမှာကျတော့ နေရောင်ခြည်မှာ ပါဝင်တဲ့ ခရမ်းလွန်ရောင်ခြည်ကြောင့်ဖြစ်တဲ့ အရေပြားကင်ဆာကို ကာကွယ်ဖို့ နေကာမျက်မှန်၊ နေလောင်ခံပစ္စည်းတွေ အသုံးပြုတာကြောင့် Vitamin D ကို ရယူမှုနည်းသွားပါတယ်။ သွေးထဲမှာ Vitamin D နည်းနေတယ်ဆိုရင်တော့ ဆရာဝန်က သင့်တော်တဲ့ ပမာဏ သောက်သုံးဖို့ညွှန်ကြားမှာဖြစ်ပါတယ်။

ပုံမှန်လုပ်တဲ့ လေ့ကျင့်ခန်းတွေကလည်း အရိုးကို သန်မာစေပြီး ပျက်စီးယိုယွင်းမှုတွေကို ကာကွယ်ပေးမှာဖြစ်ပါတယ်။ လမ်းလျှောက်ခြင်း၊ ပြေးခြင်း၊ ကြိုးခုန်ခြင်း၊ စကိတ်စီးခြင်းနဲ့ အလေးမခြင်းစတဲ့ လေ့ကျင့်ခန်းတွေဟာ အရိုးအဆစ်တွေကို သန်မာစေပါတယ်။

အရိုးပွတာဟာ လူတော်တော်များများ သတိမထားကြတဲ့ အခြေအနေတစ်ခုဖြစ်ပါတယ်။ အသက်ကြီးမှ ဖြစ်တယ်လို့ ယေဘုယျဆိုပေမယ့် ငယ်ရွယ်သူတွေမှာလည်းဖြစ်တတ်ပါတယ်။ အရိုးအတွက် အားဖြည့်ဆေးရောင်းတဲ့ ကုမ္ပဏီတစ်ခုက အရောင်းမြှင့်တင်ရေးပွဲလုပ်တော့ ကျွန်တော့်ကို ဖိတ်ပါတယ်။ ကုမ္ပဏီကပွဲမှာ တက်လာတဲ့သူတွေနဲ့ စိတ်ဝင်စားသူတွေရဲ့ အရိုးသိပ်သည်းဆကို စမ်းသပ်ပေးပါတယ်။ ဆေးပညာအရတော့ DEXA Scan(Dual X-ray Absorptiometry) လို့ခေါ်ပါတယ်။ ကျွန်တော်သတိထားမိတာ တစ်ခုက လာပြီးစမ်းသပ်ခံကြတဲ့အထဲမှာ လူငယ်တွေတော်တော်များများ ပါပါတယ်။ တိုင်းတာပြီးသွားတဲ့သူတွေရဲ့ အဖြေကို ကုမ္ပဏီက အစိမ်းရောင်လို့ပြထားတဲ့ ကျန်းမာတဲ့ အရိုးထဲမှာလား၊ အ၀ါရောင်လို့ပြထားတဲ့ အရိုးယိုယွင်းမှုတွေဖြစ်နေပြီလား၊ အနီရောင်ထဲရောက်ပြီး အရိုးတွေ ပျက်စီးနေပြီလားဆိုတာကို တစ်ဦးချင်းပြပေးပါတယ်။ ကျွန်တော်တွေ့လိုက်တာက စမ်းသပ်မှုလာလုပ်တဲ့ လူငယ်တော်တော်များများဟာ အသက်ငယ်သေးပေမယ့် အရိုးသိပ်သည်းဆအဖြေမှာ အ၀ါရောင်တွေများတာကို တွေ့မိပါတယ်။ သတိမထားဘဲ ဆက်သွားရင် အသက်အရွယ်ရလာရင် အရိုးအားနည်းသူတွေများလာနိုင်တာကို တွေးမိပါတယ်။ ကျွန်တော်တို့က ကျန်းမာရေးအသိပညာတွေနဲ့ ကာကွယ်သွားရင် ကျန်းမာပျော်ရွှင်တဲ့ ဘ၀တွေကို ပိုင်ဆိုင်နိုင်မှာပါ။ အနာရောဂါကင်းတဲ့ ဘ၀ကို လူတိုင်း လိုချင်ကြပါတယ်။ ကျန်းမာရေးနဲ့ပတ်သက်တဲ့ ဗဟုသုတများကို သိရှိလိုက်နာရင်း သာယာပျော်ရွှင်တဲ့ ဘ၀များကို ပိုင်ဆိုင်ကြပါစေ။

ဝိုင်

သိကောင်းစရာ အီဘိုလာ

ကမ္ဘာ့သတင်းမီဒီယာတွေမှာ အီဘိုလာဗိုင်းရပ်စ် ပြန်လည်ဦးမော့လာတဲ့ သတင်းတွေကို နေရာတော်တော်များများမှာ တွေ့နေရပါတယ်။ အီဘိုလာဗိုင်းရပ်စ်အကြောင်းနဲ့ ကူးစက်ပုံတွေ သူ့ရဲ့ သမိုင်းကြောင်းတွေကို စုစည်းပြီး စာဖတ်သူတွေသိရှိနိုင်ဖို့ ယခုဆောင်းပါးလေးမှာ တင်ဆက်လိုက်ပါတယ်။

Ebola virus disease (EVD) or Ebola hemorrhagic fever (EHF) ဟာ လူနဲ့အဆင့်မြင့်နို့တိုက်သတ္တ၀ါများဖြစ်တဲ့ လူဝံ၊ မျောက်စတဲ့ သတ္တ၀ါတွေမှာ အီဘိုလာဗိုင်းရပ်စ်ကြောင့် ဖြစ်ပေါ်တဲ့ ရောဂါဖြစ်ပါတယ်။ ရောဂါလက္ခဏာ အများစုကတော့ အအေးမိတုတ်ကွေးဖြစ်တာနဲ့ ဆင်တူပါတယ်။ ဗိုင်းရပ်စ်ပိုးကူးစက်ခံရပြီးနောက်မှာ ဖျားခြင်း၊ လည်ချောင်းနာခြင်း၊ ကြွက်သားများနာကျင်ခြင်း၊ ခေါင်းကိုက်ခြင်း စတဲ့ လက္ခဏာများနဲ့ စတင်ပါတယ်။ ယေဘုယျအားဖြင့် အသည်းနဲ့ကျောက်ကပ်တွေရဲ့ လုပ်ငန်းလုပ်ဆောင်မှုကျဆင်းလာပြီး အန်ခြင်း၊ ၀မ်းပျက်ခြင်း၊ အရေပြားတွင် အကွက်များပေါ်ခြင်းများဖြစ်ပေါ်တတ်ပါတယ်။ ကူးစက်ခံရသူဟာ ရောဂါလက္ခဏာတွေကို ခံစားနေရစဉ်အတွင်း ခန္ဓာကိုယ်အတွင်းနဲ့ အပြင်တွေမှာ သွေးထွက်ခြင်းများဖြစ်တတ်ပါတယ်။ သွေးအန်ခြင်း၊ သွေးဝမ်းသွားခြင်း၊ ချောင်းဆိုးလျှင်သွေးပါလာခြင်းစတဲ့ လက္ခဏာတွေဖြစ်လာရင်တော့ ကူးစက်ခံရသူရဲ့ အသက်အန္တရယ်ကို စိုးရိမ်ရပါတယ်။

အီဘိုလာဗိုင်းရပ်စ်ရဲ့ ကူးစက်ပုံသမိုင်းကို ပြန်ကြည့်ရင် ဘယ်လိုနည်းနဲ့ကူးစက်ပျံ့နှံ့ခဲ့တယ်ဆိုတာ ရှင်းလင်းမှုမရှိပါဘူး။

ရောဂါပိုးရှိတဲ့ သတ္တ၀ါရဲ့ သွေး၊ ခန္ဓာကိုယ်မှ အရည်တွေကို နီးကပ်စွာထိတွေ့ကိုင်တွယ်မိရာက လူသားတွေဆီကို စတင်ရောက်ရှိလာတယ်လို့ဆိုကြပါတယ်။ အာဖရိကနိုင်ငံရဲ့ မိုးသစ်တောတွေထဲက ရောဂါပိုးကူးစက်ခံရပြီး သေနေတဲ့ (သို့) နေမကောင်းဖြစ်နေတဲ့ ချန်ပီဇီတွေ၊ တောဆိတ်တွေ၊ အသီးစား လင်းနို့တွေ၊ ဖြူကောင်တွေ၊ မျောက်တွေမှာ ပိုးတွေ့ရှိရကြောင်း မှတ်တမ်းများရှိခဲ့ပါတယ်။ အာဖရိကမှာတော့ အသီးစားလင်းနို့မျိုးစိတ်တွေဖြစ်တဲ့ Hypsignathus monstrosus, Epomops franqueti and Myonycteris torquata, တွေကို အီဘိုလာဗိုင်းရပ်စ်ကို စတင်တဲ့ သဘာဝလက်ခံကောင်တွေအဖြစ် ယူဆထားကြပါတယ်။ လူသားတွေဆီကိုတော့

ရောဂါပိုးရှိနေတဲ့ သွေး သို့မဟုတ် ခန္ဓာကိုယ်ကအရည်တွေကို တိုက်ရိုက်ထိတွေ့မှုကနေရောက်ရှိလာပါတယ်လို့ ဆေးသုတေသနပညာရှင်တွေက ပြောဆိုကြပါတယ်။

အီဘိုလာသမိုင်း

ပထမဆုံးရှာဖွေတွေ့ရှိတာကတော့၁၉၇၆ခုနှစ် သြဂုတ်လ ၂၆ရက်နေ့ ကွန်ဂိုနိုင်ငံ၊ မွန်ဂလာခရိုင် ရမ်ဘူကူဆိုတဲ့ရွာလေးမှာဖြစ်ပါတယ်။ ပထမဆုံးကူးစက်ခံရသူကတော့ ရမ်ဘူကူကျေးရွာက စာသင်ကျောင်းက ကျောင်းအုပ်ဆရာ Mabalo Lokela ဖြစ်ပါတယ်။ သူဟာ အီဘိုလာမြစ်အနားမှာ သြဂုတ် ၁၂ မှ ၂၂ အထိ သွားလာလှုပ်ရှားခဲ့ပါတယ်။ စက်တင်ဘာ ၈ ရက်မှာတော့ အီဘိုလာလို့အမည်တွင်လာမယ့် ဗိုင်းရပ်စ်ပိုးကြောင့် Mabalo Lokela ဟာ သေဆုံးခဲ့ပါတယ်။ ရောဂါပိုးဟာ ရမ်ဘူကူရွာလေးကနေ ဆက်လက်ပျံ့နှံ့ပြီး ၃၁၈ ဦး ကူးစက်ခံခဲ့ရကာ ၂၈၀ဦး သေဆုံးခဲ့ပါတယ်။ WHO မှ ရွာသူရွာသားများကို ဘေးလွတ်ရာသို့ရွှေ့ပြောင်းပေးခြင်း၊ အကာအကွယ်ပစ္စည်းများထောက်ပံ့ခြင်းနှင့် ဆေးပစ္စည်းကိရိယာများအား ပိုးသတ်ခြင်းစတဲ့ အကူအညီများပေးခဲ့ပါတယ်။ နောက်ပိုင်း ယူဂါန်ဒါနိုင်ငံနှင့်အခြားသောနိုင်ငံများဖြစ်တဲ့ ဂါဘွန်၊ ဆူဒန်နိုင်ငံများမှာ ရောဂါကူးစက်ခံရပြီး သေဆုံးမှုများရှိခဲ့ပါတယ်။ ရောဂါကူးစက်မှုတွေစဖြစ်ခါစမှာ Marburg ဗိုင်းရပ်စ်ကြောင့်လို့ပဲ ထင်မြင်ယူဆခဲ့ကြပါတယ်။ စမ်းသပ်စစ်ဆေးမှုတွေ ပြုလုပ်အပြီးမှာတော့ Marburg နဲ့အမျိုးအစားတူတဲ့ ဗိုင်းရပ်စ်ကို တွေ့ရှိခဲ့ကြပြီး အီဘိုလာမြစ်အနားက အစပြုတာကို အစွဲပြုပြီး အီဘိုလာဗိုင်းရပ်စ်လို့အမည်တွင်ခဲ့ပါတယ်။ ၁၉၈၉နှောင်းပိုင်းမှာတော့ ဗာဂျီးနီးယားမှာရှိတဲ့ ရက်စ်တွန်က Hazelton Research Products' Reston Quarantine Unit မမှာ ဖိလစ်ပိုင်က သဘောင်္နဲ့တင်သွင်းလာတဲ့

ပုစွန်လုံးများကိုစားတဲ့မျောက်တွေမှာ ထူးခြားပြီး သေစေတဲ့အဖျားရောဂါ တစ်မျိုးကိုခံစားကြရတာကိုတွေ့ရှိပြီး စစ်ဆေးရာမှာ အီဘိုလာဗိုင်းရပ်စ်ကို တွေ့ရှိခဲ့ပါတယ်။

အီဘိုလာဗိုင်းရပ်စ်ကို စစ်ဆေးဖို့ ဆေးပညာအရ အောက်ပါ ဓါတ်ခွဲစမ်းသပ်မှုများကို ပြုလုပ်နိုင်ပါတယ်။

 antibody-capture enzyme-linked immunosorbent assay (ELISA)

 antigen detection tests

 serum neutralization test

 reverse transcriptase polymerase chain reaction (RT-PCR) assay

 electron microscopy

 virus isolation by cell culture.

အီဘိုလာဗိုင်းရပ်စ်ကူးစက်ခံရသူတွေအတွက် ကာကွယ်ဆေး၊ တိကျသေချာတဲ့ ဆေးဝါးနှင့်ကုသမှုမျိုး၊ ကုထုံးမျိုးမရှိသေးပါဘူး။ ကာကွယ်ဆေးတွေကို စမ်းသပ်တီထွင်မှုအမျိုးမျိုးပြုလုပ်ခဲ့ကြပေမယ့် ဆေးဝါးကုသမှုတွေမှာ မသုံးနိုင်သေးတဲ့အနေအထားမှာရှိနေပါတယ်။

နောက်ဆုံးရသတင်းတစ်ခုမှာတော့ အမေရိကန်ပြည်ထောင်စု တက္ကဆက်တက္ကသိုလ်မှ အဏုဇီဝနှင့် ခုခံအားဗေဒပါမောက္ခ သောမတ်နှင့်အဖွဲ့က အီဘိုလာနှင့်အမျိုးအစားတူ Marburg ဗိုင်းရပ်စ်ပြန့်ပွားမှုကို ထိန်းချုပ်နိုင်တဲ့ ဆေးဝါးကိုစမ်းသပ်အောင်မြင်ပြီဟုပြောကြားထားပါတယ်။ Marburg ဗိုင်းရပ်စ်ကူးစက်ခံနေရတဲ့ မျောက် ၂၁ကောင်ထဲမှ ၁၆ကောင်ကို အသစ်ဖော်စပ်ထုတ်လုပ်လိုက်တဲ့ အကြောဆေးပေးသွင်းခဲ့ရာ မျောက်များအားလုံးရှင်သန်ခဲ့ပြီး အကြောဆေးပေးမသွင်းဘဲ ထားတဲ့ ကျန်မျောက် ၅ ကောင်ကတော့ တစ်ပတ်ခန့်မှာသေဆုံးသွားခဲ့တာကို တွေ့ရှိခဲ့ရအပြီးမှာ သတင်းထုတ်ပြန်ကြေညာခဲ့တာဖြစ်ပါတယ်။

သက်ရှိသတ္တ၀ါတွေမှာ ကူးစက်နေတဲ့ Marburg ဗိုင်းရပ်စ်ကို ပထမဆုံးအကြိမ် ထိန်းချုပ်လိုက်နိုင်တာဖြစ်ပြီး အီဘိုလာကူးစက်ခံလူနာများအတွက် ကုသပေးနိုင်ဖို့ ၄င်းအကြောဆေးကို လိုအပ်သလို အဆင်မြှင့်တင်ပြုပြင်ပြောင်းလဲနေပြီဖြစ်ပါတယ်။ ပညာရှင်များက အကြောဆေးကို ZMapp ဆေးနှင့် ပေါင်းစပ်အသုံးပြုပါက အစွမ်းထက်တဲ့ အီဘိုလာထိန်းချုပ်ကုသဆေးကို ရရှိမယ်လို့ ယုံကြည်မျှော်လင့်နေကြပါတယ်။ အစောပိုင်းနေ့ရက်များအထိ Marburg ကိုလည်းကောင်း၊ Ebola ကိုလည်းကောင်း ထိန်းချုပ်တိုက်ဖျက်နိုင်မယ့် ဆေးဝါးကို တရားဝင်ကြေညာသုံးစွဲခြင်း မပြုနိုင်ဘဲရှိနေရာကနေ ပါမောက္ခသောမတ်ထုတ်လုပ်ခဲ့တဲ့ အကြောဆေးက အီဘိုလာဗိုင်းရပ်စ်ဆဲလ်ထဲ ၀င်လျှင်ဝင်ချင်းမှာပဲ တိုက်ဖျက်နိုင်မှာဖြစ်တယ်လို့ ပြောဆိုထားပါတယ်။ ပါမောက္ခနဲ့အဖွဲ့က လူသားများအတွက် အသုံးပြုနိုင်ရန် အမြန်ဆုံး ကြိုးပမ်းနေကြပြီဖြစ်ပါတယ်။ ၄င်းဆေးဝါးနှင့်ပတ်သက်ပြီး ပညာရှင်အချို့မှ မယုံကြည်နိုင်မှု၊ ဝေဖန်မှုများရှိသော်လည်း ပါမောက္ခသောမတ်ကတော့ ယုံကြည်မှုရှိစွာ သတင်းမီဒီယာတွေကနေ ပြောကြားလိုက်ခြင်းဖြစ်ပါတယ်။

အီဘိုလာဗိုင်းရပ်စ်ဟာ လက်ရှိကမ္ဘာမှာ ဆိုးရွားတဲ့ရောဂါပိုးတစ်ခုဖြစ်နေပြီး အနောက်အာဖရိက တစ်ခုတည်းမှာတင် လူဦးရေ ၁၃၀၀သေဆုံးခဲ့ပြီး သေဆုံးမှုနှုန်း ၅၀ရာခိုင်နှုန်းကနေ

၆၀ရာခိုင်နှုန်းဖြစ်နေပါတယ်။ ဆေးဝါးကုသမှုမပြုလုပ်နိုင်လျှင်တော့ ၉၀ရာခိုင်နှုန်းအထိ တက်သွားဖွယ်ရှိတယ်လို့ ဆေးပညာရှင်များက ခန့်မှန်းပြောဆိုနေကြပါတယ်။

အီဘိုလာရောဂါပိုးကူးစက်မှုမှ ကာကွယ်နိုင်ဖို့ သတိပြုစရာအချက်လေးတွေရှိပါတယ်။ ကူးစက်မှုက သတ္တ၀ါတွေဆီကနေ လာနိုင်တာမို့ သံသယဖြစ်စရာ သတ္တ၀ါများ(အသီးစားလင်းနို့များ၊ မျောက်များ) ကို တိုက်ရိုက်ထိတွေ့မှုကနေ ရှောင်ကြဉ်ရပါမယ်။ ကိုင်တွယ်ရမည်ဆိုပါက လက်အိတ် သို့မဟုတ် သင့်လျော်တဲ့ အကာအကွယ်ဝတ်စုံကို ၀တ်ဆင်ပါ။ အီဘိုလာဗိုင်းရပ်စ်ဟာ သေဆုံးပြီးသတ္တ၀ါတွေက ထွက်တဲ့အရည်တွေမှာလည်း ရှိနေနိုင်တာမို့ ၄င်းသတ္တ၀ါတွေကို စားမည်ဆိုပါက သေချာစွာ ကျက်အောင်ချက်ပြုတ်သင့်ပါတယ်။ မြန်မာနိုင်ငံမှာတော့ လင်းနို့ကို ဟင်းတစ်ခွက်အဖြစ်စားတာ သိပ်မတွင်ကျယ်ပေမယ့် ပြည်ပအိမ်နီးချင်းနိုင်ငံတွေမှာ နှစ်သက်စွာစားသောက်နေကြတာကို တွေ့ဖူးပါတယ်။ မတော်တဆ သေချာချက်ပြုတ်မထားတဲ့ ရောဂါပိုးရှိသတ္တ၀ါကို လူက စားသောက်မိရာကနေ လူက ရောဂါပိုး သယ်ဆောင်သူအဖြစ် ရောက်ရှိလာပြီး လူလူချင်းကူးစက်စေနိုင်ပြန်ပါတယ်။ လူလူချင်း ကူးစက်တာကို လျှော့ချဖို့အတွက် ရောဂါပိုးရှိသူရဲ့ ခန္ဓာကိုယ်ကအရည်တွေနဲ့ တိုက်ရိုက်ထိတွေ့မှု၊ နီးကပ်စွာထိတွေ့မှုကို ရှောင်ရပါမယ်။ ထိတွေ့ဖို့လိုအပ်လျှင်လည်း လုံခြုံသေချာတဲ့ လက်အိတ်နဲ့ အကာအကွယ်ဝတ်စုံကို ၀တ်ဆင်ရပါမယ်။ ပြီးရင်တော့ လက်ဆေးခြင်းကို သေချာစွာ ပြုလုပ်ရပါမယ်။ ရပ်ရွာလူထုအနေနဲ့လည်း သံသယဖြစ်စရာ လူနာများကြုံလာပါက သက်ဆိုင်ရာကို အမြန်ဆုံး သတင်းပေးပို့သင့်ပါတယ်။

ကျွန်တော်ဆောင်းပါးကိုရေးနေစဉ်အချိန်ထိတော့ မြန်မာနိုင်ငံမှာ အီဘိုလာကူးစက်ခံနေရပါပြီဆိုတာမျိုးကို မကြားရသေးပါဘူး။ စာရေးသူတို့ မြန်မာနိုင်ငံမှာ ဒီလိုရောဂါပိုးကူးစက်တာမျိုးကို ဖြစ်လည်းမဖြစ်စေချင်ပါဘူး။ သတင်းတွေမှာတော့ ကူးစက်ခံနေရတဲ့ နိုင်ငံတွေက သေဆုံးသူစာရင်းတွေနဲ့ ရောဂါကူးစက်နှုန်းတွေကို ကြောက်မက်ဖွယ် မြင်နေရပါတယ်။

''ကြိုတင်ကာကွယ်ခြင်းသည် ကုသခြင်းထက်ထိရောက်သည်'' ဆိုတဲ့ စကားအတိုင်း ကျွန်တော်တို့တွေအနေနဲ့ အီဘိုလာနဲ့ပတ်သက်တဲ့ အသိပညာဗဟုသုတတွေကို ကြိုတင်သိရှိထားပြီး ကြိုတင်ကာကွယ်နိုင်စေဖို့ ယခုဆောင်းပါးလေးကို ကြိုးစားဖန်တီးလိုက်ပါတယ်။ ကျန်းမာပျော်ရွှင်သောဘ၀များကိုပိုင်ဆိုင်ကြပါစေ။

ဝိုင်

Is Love Really Essential to Marriage?

အချစ်ရှိနေချိန်မှာ အရာအားလုံးဟာ နူးညံ့သိမ်မွေ့နေမယ်လို့ ကျွန်တော်တို့အားလုံးရဲ့ ငယ်ဘ၀အိပ်မက်မှာရှိခဲ့ကြပါမယ် ဒါပေမယ့် လက်တွေ့မှာတော့ လက်ထပ်ခြင်းမှာ ညှိနှိုင်းမှုတွေအများကြီး လိုအပ်ပါတယ်။ Raquel Welch

အချစ်နဲ့လက်ထပ်ခြင်းဆိုတာ မြင်းနဲ့ယာဉ်လို သွားတယ်ဆိုတဲ့ ထင်မြင်ချက်က ယနေ့တိုင် ကျယ်ပြန့်နေဆဲဖြစ်ပါတယ်။ သို့ပေမယ့် ၄င်းထင်မြင်ချက်ကို ဆန့်ကျင်တဲ့ ငြင်းခုန်မှုတွေကတော့ (အချစ်ဆိုတာ) အင်အားရရှိခြင်းဖြစ်ပါတယ်။ ဒီထင်မြင်ချက်တွေမှာ လေးနက်တဲ့အချစ်ဆိုတာ ဘာလဲဆိုတာကို ရှင်းလင်းနေဖို့လိုပါတယ်။

အချစ်နဲ့လက်ထပ်မှုကြား မကြာသေးမှီက ဆက်နွှယ်ချက်များ

ကျွန်တော်အသက်ကြီးလာလေလေ ကျွန်တော်နဲ့ လက်ထပ်မထားတဲ့ ဘ၀ခရီးကို ကုန်ဆုံးချင်တဲ့ အချိန်နည်းလာလေလေ-Robert Brault

ခေတ်စားနေတဲ့ အယူအဆဖြစ်တဲ့ လက်ထပ်ခြင်းမှာ အရူးအမူးချစ်ခြင်း ဟာ အရေးကြီးတယ်ဆိုတာဟာ တကယ်တမ်းတော့ မကြာသေးခင်က သတင်းတစ်ခုဖြစ်ပါတယ်။ Stephaine Coontz(2005) လက်ထပ်ခြင်းသမိုင်းဆိုတဲ့ သူမရဲ့စာအုပ်ထဲမှာ ပြထားတာကတော့ ဒီလိုအယူအဆခေတ်စားလာတာဟာ 2 ရာစုမျှသာရှိသေးတယ်လို့ဆိုပါတယ်။ “လူတွေဟာ အမြဲတမ်းအချစ်မှာပဲ (သာယာ)ကျရောက်နေတတ်ပါတယ်။ အသက်တွေကြီးလာတာနဲ့အမျှ စုံတွဲတော်တော်များများဟာ တစ်ဦးကိုတစ်ဦး နက်နက်ရှိုင်းရှိုင်းချစ်လာကြပါတယ်။ သို့ပေမယ့် သမိုင်းမှာတော့ လက်ထက်ဖို့အတွက် အချစ်ဆိုတာ အဓိက အကြောင်းပြချက်ဖြစ်တယ်ဆိုတာ အင်မတန်(အလွန်)ရှားပါးတဲ့အရာဖြစ်ပါတယ်။” Coontz က ထပ်ပြီးငြင်းဆိုပြတာက “ယဉ်ကျေးမှုဓလေ့ထုံးတမ်း တော်တော်များများမှာ အချစ်ဆိုတာ လက်ထပ်ဖို့အတွက်လိုအပ်တဲ့အရာလို့ ထင်ရပေမယ့် လက်ထပ်ဖို့အတွက် အချစ်က (ခိုင်လုံတဲ့)ကောင်းတဲ့ အကြောင်းပြချက်အဖြစ် ပထမတန်းစားထဲမှာ မပါပါဘူး” လို့ဆိုပါတယ်။

Pascal Bruckner (2013)ကလဲ Coontz ရဲ့ ဖော်ပြချက်နဲ့ဆင်တူစွာ ၄င်းရဲ့အယူအဆကိုပြောပြပါတယ်။ “အတိတ်တုန်းကတော့ လက်ထပ်တယ်ဆိုတာ မြင့်မြတ်တယ် အဲဒီလက်ထပ်မှုမှာ အချစ်သာပါမယ်ဆိုရင်တော့ အချစ်ဆိုတာ(အပိုဆု)ဖြစ်သွားတယ်။ အချစ်ဟာ လက်ထပ်ခြင်းအတွက် အရေးပါတယ်။ အချစ်ဆိုတာ မြင့်မြတ်တယ်။ လက်ထပ်တာကတော့ ဒုတိယလိုက်တယ်”

ကွာရှင်းခြင်း၊ လက်မထပ်ဘဲ အတူနေခြင်း၊ မိဘ တစ်ဦးတည်းရှိသော မိသားစုများ တိုးပွားလာခြင်းကြောင့် လက်ထပ်တဲ့အရေအတွက်က တဖြည်းဖြည်းကျဆင်းလာပါတယ်။ Brukner ရေးသားခဲ့တာကတော့ အချစ်က လက်ထပ်ခြင်းကို အောင်နိုင်သွားပါပြီ။ လက်မထပ်ဘဲလည်း ချစ်လို့ရနေတာပါ။

ကျွန်တော်တို့ရဲ့ လူနေမှုဘ၀တွေမှာ အချစ်ကို လက်ထပ်ခြင်းမှာ အရေးကြီးတဲ့တန်ဖိုးတစ်ခုအဖြစ် ထည့်သွင်းစဉ်းစားကြတာက လက်ထပ်ခြင်းတန်ဖိုးကို မြှင့်တင်လိုက်တာပဲဖြစ်ပါတယ်။

ကန့်ကွက်မှုများ

ကျွန်တော်လက်မထပ်ခင်ချိန်ထိ ပျော်ရွှင်မှုအစစ်အမှန်ဆိုတာကို မသိခဲ့ပါဘူး။ လက်ထပ်လိုက်ပြီးရော အရမ်းကို နောက်ကျသွားခဲ့ပါပြီ။ Max Kauffman

လက်ထပ်ခြင်းအတွက် အချစ်ကိုစဉ်းစားတဲ့နေရာမှာ အဓိက ကန့်ကွက်ချက် 2 ချက်ရှိပါတယ်။

၁။ လက်ထပ်တယ်ဆိုတာ နေထိုင်မှုအဖွဲ့အစည်းဘောင်တစ်ခုဖြစ်ပြီး အချစ်ထက်အရေးကြီးတဲ့ တခြားအကြောင်းအရာတွေပါဝင်ပါတယ်။

၂။ အချစ်ဆိုတာ ဘ၀မှာကြုံတွေ့ရတဲ့ ခဏတာ အတွေ့အကြုံဖြစ်ပြီး ကာလရှည်ကြာတဲ့ ချစ်ခြင်းမေတာက ပိုအရေးကြီးပါတယ်။

ပထမကန့်ကွက်ချက်က လက်ထပ်ခြင်းဆိုတာ လူမှုဘောင်တစ်ခုဖြစ်ပြီး တိကျတဲ့ လူမှုစီးပွားအခြေအနေတွေရှိနေတယ်ဆိုတာကို ညွန်ပြနေပါတယ်။ စုံတွဲတွေအနေနဲ့ ဒီအချက်ကို ထည့်သွင်းစဉ်းစားသင့်ပါတယ်။ ဒုတိယကန့်ကွက်ချက်က အချစ်ဆိုတာ မတည်မြဲဘူး၊ တစ်သက်တာလက်တွဲဖို့အတွက် ဆန့်ကျင်နေတဲ့အရာဖြစ်တယ်လို့ ဆိုပါတယ်။ ကန့်ကွက်ချက်၂ခု ကိုပေါင်းလိုက်ရင် အချစ်ကို လက်ထက်ဖို့အတွက်စဉ်းစားကြတာက စိတ်ပျက်စရာတွေဖြစ်လာဖို့ဆိုတာ သေချာနေပါတယ်။

လက်ထပ်ကြတော့မယ်ဆိုရင် စဉ်းစားသင့်တာက မိမိရဲ့လက်တွဲဖော်က good provider ၊ good parent ဖြစ်ရဲ့လား စဉ်းစားဖို့လိုပါတယ်။ တကယ်တော့ လက်ထပ်ခြင်းကို သတ်မှတ်ရရင် စီးပွားရေး၊ လူပုဂိုလ်တစ်ယောက်ရဲ့ အခြေအနေကို ထိခိုက်မှုမရှိစေဘဲ တိုးတက်ကောင်းမွန်စေတဲ့ ပတ်သက်မှုမျိုးလို့ ဆိုချင်ပါတယ်။ အချစ်အတွက်လက်ထပ်မယ်ဆိုရင် အဲဒီလူက ဒါတွေကို မမြင်နိုင်တော့ပါဘူး။ စကားပုံရှိပါတယ်။ အချစ်အတွက်လက်ထပ်တဲ့သူတွေက ညကောင်းကောင်းတွေကို ပိုင်ဆိုင်ပြီး ဆိုးရွားတဲ့နေ့တွေကို ပိုင်ဆိုင်ပါတယ်။

Coontz က အချစ်ဆိုတာ တစ်စုံတစ်ယောက်ရဲ့ အကျင့်စရိုက်ကောင်းတွေ၊ လေးစားမှုတွေကနေ ကင်းလွတ်ပြီး တဖြည်းဖြည်းရှင်သန်လာတဲ့အရာလို့ ဆိုပါတယ်။

လက်ထက်ဖို့ဆုံးဖြတ်တဲ့အခါ လူမှုစီးပွားရေးအယူအဆတွေဟာ အခြားသော ပြင်ပမှအခြေအနေများနှင့်ဆက်စပ်နေပါတယ်။ လူ့အဖွဲ့အစည်းမှာ အချစ်တွေများလာလေလေ စီးပွားရေးအရ စဉ်းစားမှုတွေက နည်းလာလေလေဖြစ်ပါတယ်။ အနောက်နိုင်ငံတွေမှာ အိမ်ထောင်ပြုဖို့နဲ့ အိမ်ထောင်ရေးထိန်းသိမ်းမှုနှစ်ခုလုံးအတွက် အချစ်ရဲ့ အရေးပါမှုဟာ ကြီးမားပါတယ်။ လူနေမှုအဆင့်အတန်းမြင့်မားမှု၊ ကွာရှင်းမှု စတာတွေကို ဖြစ်လာနိုင်ပါတယ်။ Berscheid 2010)

ဆက်သွယ်မှုတည်ဆောက်ခြင်း

အချစ်နဲ့လက်ထပ်ခြင်းကြားက ဆက်နွှယ်မှုတည်ဆောက်ဖို့ဆိုရင် ခဏတာစိတ်ကစားပြီးရူးမိုက်စွာချစ်တဲ့အချစ်နဲ့ နက်နက်ရှိုင်းရှိုင်းခံစားပြီးချစ်တဲ့အချစ်ကို ကွဲပြားဖို့လိုပါတယ်။ နက်ရှိုင်းစွာခံစားပြီး ချစ်တဲ့အချစ်မှာ စိတ်ကစားတာတွေ၊ အပြောင်းအလဲဖြစ်တာတွေ မပါပါဘူး။ လိင်စိတ်ဆနအတွက်ပဲ ချစ်လိုက်တဲ့အချစ်က ခဏတာပဲတည်ပါတယ်။

မကြာသေးခင်က ပြုလုပ်တဲ့ အချစ်အတွက်လက်ထပ်တယ်ဆိုတာ ဥာဏ်ရှိတယ်မခေါ်ဘူး လို့စိတ်ပညာလေ့လာမှုတစ်ခုအရ Susan Pease Gadoua က အချက် 3 ချက်နဲ့ ဆိုပါတယ်။

၁။ အချစ်ဆိုတာ ပြောင်းလဲနိုင်တဲ့ စိတ်ခံစားချက်ဖြစ်တယ်။

၂။ အချစ်ဟာ လုံလောက်ခိုင်မာတဲ့ အခြေခံအုတ်မြစ်အတွက် မလုပ်ပေးနိုင်ဘူး။

၃။ အချစ်ဆိုတာ သင်ရဲ့လိုအပ်(ဆန)တာတွေနဲ့ ဝေးကွာနေတယ်။

နက်ရှိုင်းတဲ့အချစ်ရဲ့သဘောအရ ဒီငြင်းဆိုမှု ၃ ခုကို ဖြေရှင်းနိုင်လိမ့်မယ်လို့ကျွန်တော်ယုံကြည်ပါတယ်။

၁။ စိတ်ကစားတဲ့အချစ်က တကယ်တော့ ယာယီစိတ်ခံစားမှုတစ်ခုသာဖြစ်ပြီး ပြောင်းလဲနိုင်တဲ့ အခြေအနေများစွာအပေါ်မှာ မူတည်နေပါတယ်။ သို့ပေမယ့် နက်ရှိုင်းတဲ့အချစ်ကတော့ နှစ်ပေါင်းများစွာတည်တံ့နိုင်တဲ့ အဖြစ်အပျက်တစ်ခုလို ခိုင်မြဲနေမှာပါ။

၂။စိတ်ကစားပြီးချစ်တဲ့အချစ်က ချစ်သူနှစ်ယောက်ကို နှစ်ပေါင်းများစွာအတူနေဖို့အတွက် လုံလောက်အားကောင်းတဲ့ ဘ၀အခြေခံအုတ်မြစ်အဖြစ် ပေးစွမ်းနိုင်မှာမဟုတ်ပါဘူး။ သို့ပေမယ့် အချစ်စစ်အချစ်မှန်ကတော့ ချစ်သူနှစ်ယောက်ရဲ့ နှောင်ကြိုးအပေါ်အခြေခံပြီး ဘ၀ရဲ့ အခက်အခဲများကို အတူတကွကျော်ဖြတ်နိုင်စေပြီး ဘ၀အခြေအနေပြောင်းလဲတိုးတက်စေမှာပါ။

၃။ စိတ်ကစားတဲ့အချစ်က သင့်လိုအပ်ချက်နဲ့ တကယ့်ကို ဝေးကွာနေစမှာပါ။ သို့ပေမယ့် အချစ်စစ်ကတော့ တစ်ဦးရဲ့ လိုအပ်ချက်ကို တစ်ဦးက ဖြည့်ဆည်းပေးပြီး နှစ်ဦးလုံးအတွက်အဆင်ပြေမှာပါ။ Augustine က ချစ်ပါ ပြီးတော့ သင်ဆနအတိုင်းလုပ်ဆောင်ပါ လို့ဆိုပါတယ်။ ဆိုလိုတာကတော့ အချစ်က ကျွန်တော့်တို့ရဲ့ ဘ၀လိုအပ်ချက်၊ မျှော်လင့်ချက် အိပ်မက်တွေကို ဖြည့်ဆည်းပေးနိုင်တဲ့ အင်အားပဲဖြစ်ပါတယ်။ အချစ်စစ်မဟုတ်ခဲ့ရင်တော့ ဘ၀အိပ်မက်တွေကို ရိုက်ချိုးသွားမှာပါ။

လူတစ်ယောက်ကို ပြင်းပြတဲ့ အချစ်တွေကို အခြေခံပြီး လက်ထပ်တဲ့အခါ လျစ်လျူရှုတတ်တာကို အကြင်နာတရားကင်းမဲ့တယ်လို့ ယာယီယူဆပြီး ဆုံးဖြတ်နိုင်ပါတယ်။ ဒါပေမယ့် ရေရှည်အတွက် စဉ်းစားတဲ့အခါ ဒီဆုံးဖြတ်ချက်ဟာ မလိုလားအပ်တဲ့ပြသာနာတွေဖြစ်လာမယ်ဆိုတာ သက်သေပြပါလိမ့်မယ်။ ဥပမာ- စိတ်ဆင်းရဲမှု

အချစ်ဆိုတာ ကျွန်တော်တို့ဘ၀ရဲ့အရေးကြီးတဲ့ ကဏ္ဍတစ်ခုအဖြစ်၊ လက်ထပ်ဖို့ ဆုံးဖြတ်ချက်တစ်ခုအဖြစ်၊ သို့မဟုတ် အခြားသော ရင်းနှီးဆက်နွယ်မှုတွေအတွက်ရှိသင့်ပါတယ်။ သို့ပေမယ့် ရေရှည်တည်တံ့တဲ့ပျော်ရွှင်မှုတွေ အဓိပာယ်ရှိမှုတွေကတော့ အချစ်တစ်ခုတည်းအပေါ် အခြေခံမှာမဟုတ်ပါဘူး။ နက်ရှိုင်းတဲ့အချစ်မှသာ အပြန်အလှန်နားလည်မှုတွေ၊ ဂရုစိုက်မှုတွေအပြင် အားကောင်းတဲ့ ပြင်းအား(ချစ်ခြင်း)တွေ ပါဝင်နေမှာပါ

အောင်မြင်တဲ့လက်ထပ်မှုမှာ အကြိမ်ပေါင်းများစွာချစ်တတ်ဖို့လိုပြီး အမြဲတမ်း တစ်ယောက်တည်းအတွက်ပဲဖြစ်ရပါမယ်။ Migon McLaughlin

အနမ်းသမိုင်း

လူတွေရဲ့ လူမှုဆက်ဆံရေးမှာ တစ်ဦးနှင့်တစ်ဦး နမ်းကြတယ်ဆိုတဲ့ အပြုအမူဟာ မွေးကတည်းက လူတွေရဲ့အသိမှာပါလာတာလား ဒါမှမဟုတ် (မသိမသာ) သင်ယူလေ့လာပြီးမှ ရလာတဲ့ အမူအကျင့်လားဆိုတာ စဉ်းစားစရာပါ။ စိတ်ပညာရှင်တွေ၊ အပြုအမှုသိပ္ပံပညာရှင်တွေကတော့ လူတွေရဲ့အမူအကျင့်တွေဟာ ပတ်ဝန်းကျင် လူတွေဆီကနေ သိစိတ် (သို့မဟုတ်) မသိစိတ်ကနေ တဖြည်းဖြည်းလေ့လာသင်ယူရာက တတ်မြောက်ကြတယ်လို့ဆိုပါတယ်။




Dr Neel Burton ရဲ့ Hide and Seek ဆိုတဲ့ စာအုပ်ထဲမှာ အနမ်းနဲ့ ပတ်သက်ပြီး တင်ပြ ဆွေးနွေးထားတာလေးတွေက စိတ်ဝင်စားဖို့ကောင်းပါတယ်။




နမ်းရှုပ်ခြင်းဆိုတာ တကယ်တော့ ကမ္ဘာမှာ လူတိုင်းလုပ်ကြတဲ့ အမူအရာတစ်ခုမဟုတ်ပါဘူး။ ယနေ့ထိ အချို့သော နေရာတွေမှာ ယဉ်ကျေးမှုထုံးတမ်းစဉ်လာတွေနဲ့ ကန့်သတ် ပိတ်ပင် ထားတာတွေရှိနေတယ်လို့ Dr Neel Burton ကဆိုပါတယ်။ လေ့လာထားသူတွေရဲ့ အဆိုအရ နမ်းရှုပ်ခြင်းဟာ မွေးရာပါတတ်မြောက်လာတဲ့ အမူအကျင့်မဟုတ်ဘဲ (မသိမသာ) လေ့လာသင်ယူပြီး ပြုမူလုပ်ဆောင်ကြတယ်လို့ ဆိုကြပါတယ်။ နမ်းရှုပ်ခြင်းကို သင်ယူဖို့ ဘယ်ကနေ အစပျိုးလဲလို့ဆိုရင် ငယ်စဉ်ကလေးဘ၀မှာ အစာကောင်းကောင်းမခြေနိုင်သေးတဲ့ ရင်သွေးတွေကို မိခင်တွေကအစားအစာကို ၀ါးပြီး နှုတ်ခမ်းချင်း ခွံ့ကျွေးရာကနေ စတင်တယ်လို့ ဆိုကြပါတယ်။ ကလေးအတွက် အစာကျွေးတဲ့ အပြုအမူလေးဟာ နောက်ပိုင်းမှာ ကလေးအတွက် နမ်းရှုပ်တတ်လာဖို့ အစပျိုးပေးလိုက်တယ်လို့ ဆိုကြပါတယ်။




နမ်းခြင်းဟာ သက်ရှိလူသားတွေအတွက် မရှိမဖြစ်လိုအပ်တဲ့ အပြုအမူတစ်ခုဖြစ်တယ်လို့ အပြုအမူသိပ္ပံပညာရှင်များကပြောကြပါတယ်။ ဟိုးအရင် ကျောက်ခေတ်က လူသားတွေဟာလည်း တစ်ဦးနဲ့တစ်ဦး အနံ့ခံခြင်း၊ ဆက်သွယ်ပြောဆိုခြင်း၊ ယုံကြည်မှုတည်ဆောက်ခြင်း၊ ရင်းနှီးမှုခိုင်မြဲအောင်လုပ်ခြင်းစတဲ့ နေရာတွေမှာ နမ်းရှုပ်ခြင်းကို အသုံးပြုခဲ့ကြတယ်လို့ လေ့လာသူတွေကဆိုပါတယ်။ လေ့လာချက်များအရ ၂ ရာစုလောက်ကတည်းက ရှိခဲ့တဲ့ ရှေးကျတဲ့ အိန္ဒိယလူမျိုးတွေရဲ့ မှတ်တမ်းတွေထဲမှာ နမ်းရှုပ်ခြင်းအကြောင်းကို ဖော်ပြမှတ်တမ်းတင်ခဲ့ကြတာကို သုတေသီတွေက တွေ့ရှိခဲ့ကြပါတယ်။ အချို့သော မနုဿဗေဒပညာရှင်များရဲ့အဆိုအရ ဘီစီ (၃၂၆)မှာ အယ်လက်ဇန္ဒားဘုရင်က အိန္ဒိယနိုင်ငံကို ထိုးဖောက်ဝင်ရောက်ခဲ့ပြီးမှာ ဂရိလူမျိုးတွေက ညစ်ညမ်းတဲ့နမ်းရှုပ်ခြင်းတွေကို အိန္ဒိယလူမျိုးတွေဆီက သင်ယူခဲ့ကြတယ်လို့ဆိုပါတယ်။ တကယ်တော့ နမ်းရှုပ်ခြင်းဆိုတာ အိန္ဒိယလူမျိုးတွေက စတင်ခဲ့တယ်လို့ ယတိပြတ်ပြောလို့မရပါဘူး။ ရှေးကျတဲ့အထဲမှာတော့ ပါနိုင်ပါတယ်။ အခြားဖော်ပြချက်တစ်ခုအရ ဘီစီ ၉ ရာစုလောက်မှာ ဟိုမားမှာရှိတဲ့ ဘုရင်ပရိုင်ယမ်(မ်)ဟာ သေဆုံးသွားတဲ့သားပြန်ရှင်သန်လာစေဖို့ Achilles ရဲ့လက်ကို နမ်းခဲ့တယ်လို့ဆိုပါတယ်။ ဒီအကြောင်းအရာနဲ့ ဆက်စပ်ပြီး ကျွန်တော်တို့ငယ်ငယ်က နှစ်ခြိုက်ခဲ့ရတဲ့ စနှိုးဝိုက်ပုံပြင်ထဲမှာဆိုရင်လည်း မင်းသမီးလေးပြန်ရှင်သန်လာဖို့ မင်းသားလေးက အနမ်းပေးတယ်ဆိုတာကို သွားသတိရမိပါတယ်။




သမိုင်းသုတေသီတွေရဲ့ တွေ့ရှိချက်မှာတော့ ဘီစီ ၅ရာစုလောက်မှာ ပါရှားလူမျိုးတွေကြား နမ်းရှုပ်ခြင်းကို လူမှုဆက်ဆံရေးမှာ စတင်အသုံးပြုနေပြီလို့ဆိုကြပါတယ်။ နမ်းတဲ့နေရာမှာ ဂုဏ်ရည်သူအချင်းချင်းနှုတ်ဆက်တဲ့အခါ နှုတ်ခမ်းချင်းနမ်းကြပြီး၊ ဂုဏ်ရည်နိမ့်တဲ့သူတွေကိုတော့ ပါးပြင်ကိုနမ်းပြီး နှုတ်ဆက်ကြတယ်လို့ဖော်ပြထားတာကို တွေ့ရပါတယ်။




ရောမလူမျိုးတွေ အသုံးပြုခဲ့ကြတဲ့ အနမ်းကတော့ သူတို့ရဲ့ လူမှုရေးနယ်ပယ်၊ နိုင်ငံရေးနယ်ပယ်ကစပြီး လိင်ပိုင်းဆိုင်ရာရည်ရွယ်ချက်တွေ ဖြည့်ဆည်းဖို့ အသုံးပြုခဲ့ကြတာပဲဖြစ်ပါတယ်။ လူမှုရေးနယ်ပယ်မှာဆိုရင်တော့ ကျေးကျွန်တွေဟာ မိမိတို့ရဲ့ အရှင်သခင်ရဲ့ ခန္ဓာကိုယ်အစိတ်အပိုင်းဖြစ်တဲ့ ပါးပြင်ကနေ ခြေဖမိုးထိနမ်းခြင်းဖြင့် သစ္စာစောင့်သိကြောင်းပြတယ်လို့ ဆိုပါတယ်။ စိတ်ဝင်စားစရာတစ်ခုက အဲဒီခေတ်က သဘောတူညီမှု တစ်ခုခုရယူရင်ပဲဖြစ်ဖြစ်၊ ကတိထားကြတာပဲဖြစ်ဖြစ် အနမ်းနဲ့သက်သေထားကြတယ်ဆိုတဲ့ အချက်ပါ။ စာချုပ်ချုပ်ဆိုတဲ့ ပုံစံမျိုးအဖြစ် အသုံးပြုခဲ့တယ်လို့ဆိုကြပါတယ်။ လက်ထပ်ကြတဲ့စုံတွဲတွေဟာ မင်္ဂလာအခမ်းအနားရဲ့လူအစုအဝေးရှေ့မှာ နမ်းကြရပါတယ်။ အဲဒီ ဓလေ့ဟာ ယနေ့ခေတ် မင်္ဂလာအခမ်းအနားတွေထိ မြင်တွေ့နေရတဲ့ ရောမလူမျိုးတွေဆီက စခဲ့တဲ့ ထုံးတမ်းတစ်ခုပါပဲ။




ရောမလူမျိုးများရဲ့ တန်ခိုးအရှိန်အ၀ါ တဖြည်းဖြည်းမှေးမှိန်လာပြီး ခရစ်ယာန်အယူဝါဒကျယ်ပြန့်လာချိန်မှာ အနမ်းနဲ့ပတ်သက်တဲ့ အမူအကျင့်တွေဟာ တဖြည်းဖြည်းပုံစံပြောင်းလာခဲ့ပါတယ်။ ရှေးက ခရစ်ယာန်လူမျိုးတွေက သန့်ရှင်းတဲ့ဝိညာဉ်ရေးရာယုံကြည်မှုကို အခြေခံပြီး တစ်ဦးနှင့်တစ်ဦး မြင့်မြတ်တဲ့အနမ်း (holy kiss) နဲ့ နှုတ်ဆက်ကြတယ်လို့ ဖော်ပြကြပေမယ့် holy kiss နဲ့ပတ်သက်ပြီး ရှင်းလင်းအောင် ဖော်ပြထားကြခြင်းမရှိပါဘူး။ လေ့လာသူတွေဖော်ပြချက်အရ ခရစ်ယာန်ဘုန်းတော်ကြီး စိန့်ပီတာက လူတွေအချင်းချင်း မေတ္တာပွားစေလိုတဲ့အနေနဲ့ အနမ်းနဲ့ နှုတ်ဆက်ကြဖို့ တိုက်တွန်းခဲ့ပေမယ့် တစ်ချိန်တည်းမှာ ခရစ်ယာန်ဘုန်းတော်ကြီးတစ်ပါးဖြစ်တဲ့ စိန့်ပေါလ်ကတော့ တနင်္လာနေ့နဲ့ ကြာသပတေးနေ့မှာ ခရစ်ယာန်တွေအနေနဲ့ နမ်းခြင်းမပြုရဘူးလို့တားမြစ်ခဲ့ပါတယ်။ နှစ်တစ်နှစ်လုံးရဲ့ အဲဒီနေ့တွေဟာ ဂျူးဒက် (Judas) က ဘုရားသခင်ကို အနမ်းနဲ့သစ္စာဖောက်တယ်ဆိုတဲ့ ယုံကြည်ချက်နဲ့ တားမြစ်ခဲ့တာဖြစ်ပါတယ်။ ဘုရားကျောင်းပြင်ပမှာတော့ ကျေးကျွန်တွေဟာ ဘုရင်ရဲ့ ၀တ်ရုံ (သို့) လက်စွပ် (သို့) ဖိနပ်ကို နမ်းပြီး အရိုအသေပေးရတယ်လို့ ရေးသားဖော်ပြထားကြတာတွေကို တွေ့ရပါတယ်။




ရောမ အင်ပါယာကျဆုံးပြီးနောက်မှာ စိတ်ကူးယဉ်စရာကောင်းတဲ့ (ကြည်နူးဖွယ်လှပတဲ့) နမ်းခြင်းဓလေ့တွေဟာ နှစ်ပေါင်း ၁၀၀၀ထိ ပျောက်ဆုံးသွားခဲ့ရပါတယ်။ ၁၁ရာစုကိုပြန်ရောက်လာမှ အနမ်းတွေဟာ လူတွေကြားပြန်လည် ပျံ့နှံ့လာပြန်ပါတယ်။ အဲဒီအချိန်ဟာ ပြဇာတ်ဆရာကြီး ရှိတ်စပီးယားရဲ့ ရိုမီယိုနဲ့ဂျူးလိယက် အချစ်ဇာတ်လမ်းအောင်မြင်ပြီး ဇာတ်လမ်းထဲက ချစ်သူနှစ်ယောက်ရဲ့ အနမ်းကိုရေးသားဖော်ပြမှုတွေကြောင့် နှစ်ပေါင်းများစွာပျောက်ဆုံးနေခဲ့တဲ့ နမ်းရှုပ်ခြင်းဆိုတာ လူမှုဆက်ဆံရေးနယ်ပယ်ထဲကို အင်အားကောင်းကောင်းနဲ့ ပြန်လည်ဝင်ရောက်လာခဲ့ပါတယ်။ အဲဒီအချိန်ကစပြီး အနမ်းကို လူမှုပတ်ဝန်းကျင်မှာ ချစ်ခြင်းမေတ္တာကို ဖော်ပြဖို့၊ အကြမ်းဖက်မှုတွေနည်းပါးဖို့ ချစ်ခြင်းတရားကိုဖော်ပြတဲ့အနေနဲ့ အသုံးပြုလာကြတဲ့ ယနေ့ထိပါပဲလို့ဆိုကြပါတယ်။


Refferences-Dr Neel Burton, Hide and Seek(2014)/ Psychological team of American, Kiss Theory(2010) / Group of Behavioral Science in Califonia, Stories of Kisses (2003) စာအုပ်များထဲမှ အကြောင်းအရာအချို့ကို ထုတ်နှုတ်ပြီး ဘာသာပြန်တင်ဆက်ခြင်းဖြစ်ပါသည်။