မြန်မာ့ဆက်သွယ်ရေးနှင့်ဟစ်တလာ

ဘာသာပြန်ကောင်းကောင်းနဲ့ သရုပ်ဆောင်ကောင်းတွေပါဝင်ထားတဲ့ ဇာတ်လမ်းတိုလေးပါ :)

"မိန်းမ" အသုံးပြုပုံရှင်းလင်းချက် (Manual Guide)

【ပစ္စည်းအမည်】အများအားဖြင့် မိန်းမဟုသုံးနှုန်း၊ လူကြားသူကြားတွင် ဇနီးမယား သို့မဟုတ် အမျိုးသမီးဟုသုံးနှုန်း၊ ရှေးယခင်က ကြင်ယာတော်ဟုသုံးနှုန်း

【ပါဝင်ပစ္စည်း】 ရေ၊ သွေး၊ အဆီဓါတ်နှင့် ကာဘွန်၊ ဟိုက်ဒရိုဂျင်နှင့် အောက်စီဂျင်ဓါတ်များပါဝင်

【စရိုက်လက္ခဏာ】ဤပစ္စည်းသည် သေးသွယ်သည့် အချိုတုံးသဏ္ဍာန်ရှိသည်။ သာမန်အားဖြင့် မျက်နှာပြင်အား မိတ်ကပ်၊ နှုတ်ခမ်းနီစသောအရာများဖြင့် ဖုံးအုပ်ထားသည်။ ထိုအရာများကို ဖယ်ရှားလိုက်လျှင် အဝါဖျော့ရောင် အသားကိုတွေ့ရသည်။ မဖယ်ရှားခင်နှင့် ဖယ်ရှားပြီးမှာ အနည်းငယ်ခြားနားကြောင်း တွေ့ရမည်။ အချိန်နှင့်လိုက်၍ ပုံသဏ္ဍာန်ပြောင်းလဲတတ်သည်။ ဝခြင်း၊ အသားအရေတွန့်ခြင်း သဏ္ဍာန်များဖြစ်ပေါ်တတ်သည်။ သို့သော် ဆက်လက်အသုံးပြုနိုင်ပါသည်။

【အသုံးဝင်ပုံ】တစ်ကိုယ်တည်းနေ အကြောက်လွန်ရောဂါ (single phobia)နှင့် မျိုးဆက်ပြန့်ပွားသည့်ရောဂါအတွက် အသုံးဝင်သည့်အပြင် အသည်းကွဲနှင့် စွဲလမ်းခြင်းဝေဒနာကိုလည်း သိသိသာသာ အကျိုးရှိစေသည်။

【အသုံးပြုပုံ】အတွင်းစိတ်၊ အပြင်စိတ်နှင့် တစ်သက်တွင် တစ်ခုသာအသုံးပြုရမည်။ အကျိုးမထိရောက်ပါက အသုံးပြုနေရာမှ ခေတ္တရပ်နားပြီး တတ်သိနားလည်သော အိမ်ထောင်ရေးပညာရှင်များနှင့် ဆွေးနွေးတိုင်ပင်သင့်သည်။ သို့မဟုတ် အချိန်ကာလ တအောင့်နေပြီးမှ ပြန်လည်အသုံးပြုနိုင်သည်။

【သတိထားရမည့်အချက်】 ဤပစ္စည်းသည် တစ်ကိုယ်ရေအမျိုးသားများနှင့်သာ သင့်တော်သည်။ အသုံးပြုချိန်တွင် သတိနှင့်အသုံးပြုရမည်။ ဤပစ္စည်းကြောင့် ဘေးဖြစ်မည့်အခြေအနေသို့ရောက်ခဲ့သော် အသုံးပြုနေရာမှ ချက်ချင်းရပ်လိုက်ပါ။ မရှိခဲ့ပါက ဆက်လက်အသုံးပြုနိုင်ပါသည်။ အရက်ဆေးလိပ်မသောက်ဘဲ အသုံးပြုပါက ပိုအကျိုးထိရောက်စေသည်။

【အတိုင်းအတာ သတ်မှတ်ချက်】 ဤအရာသည် သာမန်အားဖြင့် အလေးချိန် ၄၅ကီလိုမှ ၅၅ကီလိုအတွင်း ရှိသည်။ အခြေအနေအရ ပြောင်းလဲမှုရှိသည်။

【တားမြစ်ချက်】မည့်သည့်အချိန်အခါတွင်ဖြစ်စေ "အသုံးမဝင်"ဟု မပြောရ။

【သိုလှောင်ထားမည့်နေရာ】သာမန်အပူချိန်အောက်တွင် ထားနိုင်သည်။ အိမ်တွင်းအေးမြသောနေရာသည် အကောင်းဆုံးဖြစ်သည်။ အိမ်အပြင်တွင်ဖြစ်ပါက ပြင်းထန်သောနေရောင်ခြည်နှင့် တိုက်ရိုက်ထိတွေ့ခြင်းကို ရှောင်ရမည်။ ထားချင်သည့်နေရာတွင်ထားပြီး မေ့လျော့၊ ဂရုမစိုက်ခြင်းမပြုရန် အထူးတားမြစ်သည်။

【အထုပ်အပိုး】ခေတ်ပေါ်အဝတ်အစားများကို ရာသီဥတုနှင့်လိုက်ပြီး ပြောင်းလဲနိုင်သည်။

【ဒိတ်လွန်နေ့စွဲ】စိတ်ချမ်းသာပျော်ရွှင်ခြင်း အတိုင်းအတာနှင့်လိုက်ပြီး တစ်သက်တာဖြစ်နိုင်သလို အတိုဆုံးမှာ တစ်ရက်၊ တစ်လလည်းဖြစ်နိုင်သည်။

【အတည်ပြုအမှတ်】အတည်ပြုအမှတ်ကို အတွင်းစာသား လက်ထပ်စာချုပ်ရှင်းလင်းချက်တွင် ဖတ်နိုင်သည်။

【ထုတ်လုပ်သည့်နေရာ】ယောက္ခထီး ယောက္ခမ

【အထူးအသိပေးချက်】

(၁) အိမ်ထောင်မကျသေးသောအမျိုးသားများ အသုံးမပြုခင် အသုံးပြုပုံ ရှင်းလင်းချက်ကို  သေသေချာချာဖတ်ပြီး ရှင်းလင်းချက်အတိုင်း လိုက်နာအသုံးပြုရမည်။ သို့မဟုတ် အိမ်ထောင်ရေးပညာရှင်တို့ လမ်းညွှန်သည့်အတိုင်း လိုက်နာအသုံးပြုရမည်။

(၂)  ဤပစ္စည်းနှင့် မတည့်သူများ၊ အလာဂျီဖြစ်တတ်သူများ သုံးစွဲရန်မသင့်ပါ။

(၃) အလားတူပစ္စည်းမျိုး လက်ရှိအသုံးပြုနေသူများ ဤပစ္စည်းနှင့်တပြိုင်တည်း အသုံးမပြုရန် အထူးတားမြစ်သည်။

(၄) ဤပစ္စည်းသည် ဆရာဝန်ဆေးစာမပါဘဲ အလွတ်ဝယ်၍ရသော ပစ္စည်းဖြစ်လျှင် ကစ မှတ်ပုံတင်ပြီးမှ ဝယ်ယူရသည့်အပြင် မဝယ်ယူခင် လိုအပ်သော စာရွက်စာတမ်းများလည်း လိုအပ်သည်။

(၅) ဤပစ္စည်းအား ကလေးသူငယ် အသက်အရွယ်မပြည့်သူများ ထိတွေ့နိုင်သည့်နေရာတွင် မထားပါနှင့်။

မူရင်း-- http://tieba.baidu.com/f?kz=39108473

တော်လိုက်တဲ့ဘာသာပြန်

ကိုရီးယားသီချင်းကို ဘာသာပြန်ကောင်းကောင်းလေးနဲ့ ခံစားလိုသူများအတွက်..

မိန်းမ မရှိတဲ့ ….ကမ္ဘာ

(၁)



ဘုရားသခင်ဖန်ဆင်းထားသော ယောက်ျားနှင့်မိန်းမဟူသည့် လူသားတို့နေထိုင်ကြသော ကမ္ဘာမြေ၏ အခြားတစ်ဖက်တွင် ယောက်ျားများသာ ရှင်သန်နေထိုင်သော ကမ္ဘာတစ်ခုရှိနေသည်။ ၄င်း ကမ္ဘာမှ အမျိုးသားများသည် လူ့ ကမ္ဘာမြေ၏ အမျိုးသားများနှင့် ခန္ဓာကိုယ်အချိုးအစားတူသည်မှလွဲ၍ အရည်အချင်းများက မည်သို့မျှ မသက်ဆိုင်။ လူသားများက Globilization ခေတ်တွင် ကမ္ဘာကြီးအား ရွာကြီးဟု ကြွေးကြော်နေချိန်တွင် ယောက်ျားကမ္ဘာ၌ ကမ္ဘာကြီးကိုမူ ၎င်းရွာကြီးထဲက တဲအိမ်တစ်ခုဟုသာ သဘောထားကြသည်။ တစ်ရက်လျှင် အဘက်ဘက်မှ တိုးတက်ခေတ်မီနေမှုများက လူသားများ၏ ဆယ်စုနှစ်တစ်ခုစာတိုးတက်မှုနှင့် ညီမျှသည်။ ငြိမ်းချမ်းစွာ နေထိုင်လျက် ပြည့်စုံကြွယ်ဝနေကြသော ယောက်ျားကမ္ဘာသည် လူသားများ မျှော်လင့်တောင့်တနေကြသည့် သုခဘုံ (Paradise) တစ်ခုနှင့် တူပေသည်။



(၂)



ယောက်ျားချင်းသာ ပေါင်းဖက်နေထိုင်ကြသော ကမ္ဘာကြီးတွင် မျိုးဆက်ပြန့်ပွားရေးအတွက်လည်း ပူစရာမလို။

အိမ်ထောင်ပြုကြသော အမျိုးသားနှစ်ယောက်ထံမှ မျိုးရိုးဗီဇနှင့် ၎င်းတို့နှင့်သက်ဆိုင်သော ရင်သွေးတစ်ဦးကို လွယ်ကူစွာ ဖန်တီးယူနိုင်၏။ အံမခန်းလောက်အောင် တိုးတက်နေသော ကမ္ဘာ၌ ယောက်ျားများ၏ စွမ်းရည်ဖြင့် တီထွင်ကြံဆမှုများကြောင့် ယနေ့နှင့် မနက်ဖြန်ကြား၌ပင် များစွာ ပြောင်းလဲတိုးတက်လျက်ရှိသည်။

ဤသို့ ကဏ္ဍပေါင်းစုံမှ တိုးတက်မှုများဖြင့် ဟန်ချက်ညီညီ တိုးတက်နေသော ယောက်ျားကမ္ဘာတွင် ပြင်းထန်ဆိုးရွားသော အလှည့်အပြောင်းတစ်ခုနှင့် ကြုံတွေ့မည့် နေ့တစ်နေ့ ကျရောက်လာခဲ့သည်။



(၃)



ထိုနေ့တစ်နေ့ကို အစပြုသူမှာ မျိုးဆက်ပွားသိပ္ပံပညာရှင်တစ်ဦး ဖြစ်သည်။

ဖော်မြူလာအသစ်ဖြင့် လက်ဆော့ခြေဆော့၍ မျိုးပွားကြည့်ရာမှ ထူးဆန်းသော လူနှင့်တူ၍ ယောက်ျားနှင့်မတူသော အမျိုးအမည်မသိ လူသားတစ်ဦးကို ရရှိလာခဲ့သည်။ ၎င်း၏ တွေ့ရှိမှုကို ဂုဏ်ယူစွာဖြင့် သတင်းမီဒီယာများထံ ဖွင့်ချရာမှ သက်ရှိမျိုးစိတ်အသစ်မှာ ယောက်ျားကမ္ဘာမှ အမျိုးသားများ၏ စိတ်အ၀င်အစားဆုံး သတင်းတစ်ခုဖြစ်လာခဲ့သည်။ မည်ကဲ့သို့ အမည်ပေးရမှန်း မသိနိုင်သော သက်ရှိမျိုးစိတ်အပေါ် ထင်မြင်ချက်အမျိုးမျိုးဖြင့် ကောက်ချက်ချကုန်၏။

တချို့မှာမူ လှပတင့်တယ်သော ယောက်ျားမဟုတ်သည့် လူသားဟု လည်းကောင်း၊ တချို့မှာမူ ယောက်ျားများအင်္ဂါနှင့်မတူဘဲ ပိုနေ လိုနေသော အင်္ဂါနှင့်လူဟု လည်းကောင်း၊ ပေါင်မုန့်ကဲ့သို့ အထိအတွေ့ရှိပြီး လည်ပင်းတွင် အစေ့မပါဘဲ ကြွက်သားကျစ်လစ်ခိုင်မာမှု မရှိသည့် အဆီလွှာများသောလူဟု လည်းကောင်း အမျိုးမျိုး ပြောဆို ငြင်းခုန်ကြကုန်၏။ အိမ်တွင်အလှထား၍ အခိုင်းအစေအဖြစ် အသုံးချရန်သင့်ကြောင်း အကြံပြုချက်များလည်း ပါသေး၏။

သက်ရှိအသစ်ကို ရှာဖွေတွေ့ရှိထားသော သိပ္ပံပညာရှင်ကြီးကမူ အုတ်အော်သောင်းနင်း ဖြစ်နေကြသော အမျိုးသားများကို ပြုံးပြုံးကြီး စိုက်ကြည့်နေသည်။



(၄)



ယောက်ျားကမ္ဘာ၌ အသစ်တွေ့ရှိလိုက်သော သက်ရှိကို စီးပွားရေးအမြင်ရှိသော သိပ္ပံပညာရှင်ကြီးက ``မိန်းမ´´ ဟု အမည်တပ်၍ ဈေးကွက်ထဲသို့ ရောင်းချရန်ပြင်ဆင်တော့သည်။ သိပ္ပံပညာရှင်ကြီး ကိုယ်တိုင်လည်း တွေ့ရှိထားသော သက်ရှိ၏ အသုံးဝင်မှုနှင့် ဘေးထွက်ဆိုးကျိုးကို သေချာစွာ မသိသေးသောကြောင့် ဈေးကွက်ထဲသို့ Trial Version ဖြင့်သာ ဖြန့်ချိလိုက်၏။ ဂျာနယ်၊ မဂ္ဂဇင်း၊ မီဒီယာမှန်သမျှတွင် Hot နေသော မိန်းမသက်ရှိမှာ ပရိုမိုးရှင်းအထူးလုပ်စရာမလိုဘဲ ရောင်းတန်းဝင်ပစ္စည်းဖြစ်သွားရုံမက လက်ကျန်မရှိလောက်အောင်ပင် ဈေးကွက်ထဲ၌ ပြတ်လပ်သွားလေတော့သည်။ သိပ္ပံပညာရှင်ကြီးမှာလည်း အကြီးအကျယ်သဘောကျသွားပြီး မိန်းမများ ထုတ်လုပ်ရေးလုပ်ငန်းကို တိုးချဲ့လုပ်ကိုင်လေတော့သည်။ ယောက်ျားကမ္ဘာအတွင်းက အိမ်နီးချင်းနိုင်ငံများ၏ ၀ယ်လိုအားကြောင့် ထိုမိန်းမပစ္စည်းမှာ Export ကုန်အဖြစ်ပါ တွင်တွင်ကျယ်ကျယ်ရောင်းချရလေတော့သည်။ ဤသို့ဖြင့် မိန်းမမှာ အိမ်တိုင်းတွင် မရှိမဖြစ်ဆောင်ထားကြသော အသုံးအဆောင်တစ်ခုဖြစ်လာခဲ့သည်။



(၅)



မိန်းမဟုခေါ်သော သက်ရှိများ လျင်မြန်စွာ ပျံ့နှံ့သွားပြီးနောက်တွင် ယောက်ျားကမ္ဘာ၌ ထူးဆန်းသောအပြောင်းအလဲများ ဆက်တိုက်ဖြစ်ပေါ်လာသည်။ အလှကုန်ပစ္စည်း ကုမ္ပဏီများရောင်းအားတက်လာပြီး အ၀တ်အထည် ကုမ္ပဏီများမှာလည်း မိန်းမဟူသော သက်ရှိအတွက် ထူးဆန်းသော အ၀တ်အစားများရောင်းချပြီး အကျိုးအမြတ်ရကြကုန်၏။ ထို့ပြင် မိမိတွင် ပါလာသော ဗြူတီများကို ပြုပြင်ပေးသော ဗြူတီပါလာများနှင့် ရှိပြီးသား ဒီဇိုင်းကို နာအောင်လုပ်သော ဒီဇိုင်းနာများမှာ လက်မလည်အောင် အလုပ်ဖြစ်ကုန်ကြသည်။ ဆေးပညာဘက်တွင်လည်း အပြောင်းအလဲများစွာဖြစ်ပေါ်လာ၏။ အိုဂျီဟုခေါ်သော ဆေးပညာအသစ်ထွန်းကားလာ၏။ မျက်စိ၊ နား၊ နှာခေါင်း၊ လည်ချောင်းဆရာဝန်ကြီးများထံတွင်လည်း လူနာဦီးရေတိုးပွားလာ၏။ နားရောဂါများ အများဆုံးဖြစ်ပြီး အံ့သြစရာတစ်ခုမှာ လူနာများအားလုံးသည် ယောက်ျားများသာ ဖြစ်ကြသည်။ စိတ်ရောဂါအထူးကုဆရာဝန်များထံတွင်လည်း ယောက်ျားလူနာများ တဖြည်းဖြည်း တိုးပွားလာ၏။ ကျန်းမာရေးကိုအလေးထားသော ဆရာဝန်များမှာ အကြောင်းရင်းကို စတင်ဆန်းစစ်ကြလေသည်။ ထို့အတူ ရဲများမှာလည်း ရုတ်တရက် နိုင်ငံအတွင်း ပေါများလာသော ရာဇ၀တ်မှုများ၏ အကြောင်းရင်းကို အပူတပြင်း လိုက်လံစုံစမ်းကြကုန်၏။



(၆)



သက်ရှိအသစ်ကို ဖန်ဆင်းခဲ့သော သိပ္ပံပညာရှင်ကြီးမှာ ၀ယ်ယူအားပေးသူများထံမှ feedback ကို အချိန်အနည်းငယ်အတွင်းမှာပဲ ကြားသိရပါတော့၏။

ယောက်ျားအိမ်ထောင်များတွင် မိန်းမရှိခြင်းကြောင့် နေ့စဉ်ပြသာနာများဖြစ်ရကြောင်း၊ သက်ရှိတစ်ဦးကို ကိုယ်ဝန်ဆောင်မွေးဖွားပေးနိုင်သည်မှန်သော်လည်း ၁၀ လတိုင်ကြာသဖြင့် အဆင်မပြေကြောင်း၊ ၁၀ လအတွင်း ရှု့ပ်ထွေးသော အိုဂျီပြသာနာများနှင့်လည်း မကြာခဏကြုံတွေ့ရကြောင်း သိရသကဲ့သို့ ရင်သွေး (ယောက်ျား) လေးများမှလည်း အဆိုပြုချက်များရရှိခဲ့သည်။

၎င်းအဆိုပြုချက်များတွင် ပေါက်စီနှင့်တူသော အရာမှထွက်သည့် နို့ရည်မှာ အရသာမရှိကြောင်း၊ ကိုက်ချင်စရာကောင်းသောကြောင့် မစုပ်ဘဲ မတော်တဆကိုက်မိပါက မကြာခဏ ရိုက်ပုတ်ခြင်းခံရကြောင်း၊ သို့ဖြစ်ပါ၍ စိတ်ကြိုက်ကိုက်နိုင်ပြီး အရသာရှိလှသည့် ချိုလိမ်တပ်ထားသော Ready Made နို့ရည်များသာ စိတ်အေးစွာ သောက်သုံးလိုပါကြောင်း၊ ဖခင်များအား ဆူပူရုံမက အလှအပသာ ဂရုစိုက်ပြီး ကလေးသူငယ်များအပေါ်လည်း အကြင်နာကင်းမဲ့ကြောင်း၊ လွန်စွာမျက်နှာများ၍ အိမ်သုံးတစ်ခုတင်မကဘဲ အများသုံးဖြစ်နေကြောင်း၊ ပုခက်လွှဲသော လက်သည် ကမ္ဘာကိုလွမ်းမိုးနိုင်သည်ဟူသည့် ကြီးကျယ်သော (မဟုတ်မှန်သော) စကားများကိုပယ်ဖျယ်ပေးစေလိုကြောင်း တို့ ပါဝင်လေသည်။

အထက်ပါအဆိုပြုချက်များ ထွက်ပေါ်လာပြီးနောက်တွင် လူ့ပတ်ဝန်းကျင်ကို ထိခိုက်စေသော ကုန်ပစ္စည်းအဖြစ်သတ်မှတ်ပြီး မိန်းမသက်ရှိအားထုတ်လုပ်ခွင့်မှာ Side Effects များသောကြောင့် ရပ်ဆိုင်းခံလိုက်ရတော့သည်။



(၇)



အဆင်ပြေစွာ ရပ်တည်လာခဲ့သော ယောက်ျားကမ္ဘာ၌ သက်ရှိဂေဟစနစ်ကိုပါ ပျက်စီးလာနိုင်သော အကြောင်းတရားများဆက်တိုက် ပေါ်ပေါက်လာသည်။ WHO အဖွဲ့အစည်းမှာလည်း ဗျစ်တောက် ဗျစ်တောက်ဖြင့် ဆူပူမှုကြောင့် အကြားအာရုံထိခိုက်လာသော အမျိုးသားများနှင့် စိတ်ရောဂါဝေဒနာသည်များ တိုးပွားလာမှုအပေါ် စိုးရိမ်တကြီး ဖြစ်လာကြသည်။ ခေတ်မီတိုးတက်မှုကို ဖော်ဆောင်သည့် အမျိုးသားများတွင် ကျန်းမာရေးသည်လည်း အရေးကြီးသောကြောင့် WHO အဖွဲ့မှာ အရေးပေါ် အစည်းအဝေးအဖြစ်သတ်မှတ်ပြီး ထိပ်တန်း ဆွေးနွေးမှုများပြုလုပ်ကြသည်။ မိန်းမများ၏ မာယာများမှု၊ ချွန်တွန်းလုပ်မှုများကြောင့် ဖြစ်ပေါ်လာသော ရာဇ၀တ်မှုများနှင့် ထိန်းမနိုင် သိမ်းမရဖြစ်နေသော ရဲစခန်းများနှင့် တရားရုံးများမှာလည်း ဒုက္ခတွေ့နေကြသည်။ အလှကုန်ပစ္စည်းများနှင့် ဆန်းပြားသော အသုံးအဆောင်များ တွင်ကျယ်လာမှုကြောင့် ဓါတုပစ္စည်းများနှင့် စွန့်ပစ်ပစ္စည်း အန္တာရယ်များကို ပတ်ဝန်းကျင်ထိန်သိမ်းရေး အဖွဲ့အစည်းများမှ တင်ပြဆွေးနွေးလာကြသည်။ အဆိုးဆုံးမှာ မိန်းမများ၏ လစဉ်သုံးသော တောင်ပံပါသည့် ပစ္စည်းများစွန့်ပစ်မှုဖြစ်ပြီး သဘာဝပတ်ဝန်းကျင်ကို ဆိုးရွားစွာထိခိုက်စေကြောင်းများပါ ပါဝင်သည်။ ၎င်းအခြေအနေများနှင့် ဂယက်ရိုက်နေပါသော်လည်း ယောက်ျားကမ္ဘာရှိ အာဏာပိုင်အဖွဲ့အစည်းများမှာ ထိရောက်သော အရေးယူမှုများဆောင်ရွက်ပေးခြင်း မရှိခဲ့ပါ။

သို့သော် ယောက်ျား၊ မိန်းမ တန်းတူအခွင့်အရေးကို မိန်းမများမှ တင်ပြတောင်းဆိုလာပြီး အုပ်ချုပ်ခွင့် အာဏာပါ တောင်းဆိုလာသောအခါမှ အာဏာတည်မြဲလိုသော အမျိုးသားများမှာ ထိုအချိန်မှစ၍ မိန်းမဆန့်ကျင်သူများနှင့် ပူးပေါင်းပါဝင်လာတော့သည်။



(၈)



အထက်ပါ အဖြစ်အပျက်များဖြစ်ပွားပြီး မကြာသော အချိန်ကာလအတွင်း ယောက်ျားကမ္ဘာတစ်ခုလုံး၏ တူညီသော ဆုံးဖြတ်ချက်ဖြင့် မိန်းမဆန့်ကျင်တိုက်ဖျက်ရေးနေ့ကို သတ်မှတ်နိုင်လိုက်ကြသည်။ ကနဦး၌ မိန်းမများ၏ မျက်ရည်ခံထိုး အသနားခံမှုများကို ငဲ့ညှာထောက်ရှု၍ 3R စနစ်ဖြစ်သော (Reduce, Reuse, Recycle) စနစ်ကို ထည့်သွင်းစဉ်းစားခဲ့ကြသော်လည်း အဘက်ဘက်မှ ပြန်လည်သုံးသပ်ကြည့်ပြီး မဖြစ်နိုင်ကြောင်း ငြင်းဆိုလိုက်ကြသည်။ ဖန်တီးခဲ့သူ သိပ္ပံပညာရှင်နှင့်တကွ မိန်းမအားလုံးကို ဖျက်စီးပစ်လိုက်ကြသည်။ အရင်အတိုင်း အဆင်ပြေသွားသော ကမ္ဘာကြီးတွင် ယောက်ျားများသာ ငြိမ်းချမ်းစွာ ကျန်ရစ်သည်။ သို့သော် တစ်ခုအံ့သြဖို့ကောင်းသည်မှာ မိန်းမများကြောင့် ကမ္ဘာဂြိုလ်၏ တိုးတက်မှုမှာ ရာစုနှစ်တစ်ခုစာ နောက်ကျကျန်ခဲ့ကြောင်းကို ယူကျုံးမရစွာ သိရှိလိုက်ကြသည်။

ယောက်ျားကမ္ဘာတွင် အထက်ပါ အဖြစ်အပျက်များဖြစ်ပွားခဲ့ပြီးနောက် အခြေခံပညာကျောင်းများတွင် သင်ကြားသော သမိုင်းနှင့် မြန်မာစာကဲ့သို့သော ပြဋ္ဌာန်းစာအုပ်များထဲတွင် အောက်ပါ အကြောင်းအရာများ ပါဝင်လာခဲ့သည်။



-မိန်းမတစ်ယောက်အတွက် အချိန်ဖြုန်းခြင်းသည် တန်ဖိုးမဲ့သော လူများ၏ အလုပ်ဖြစ်သည်။

-မိန်းမဟူသည့် ထိုငတိကား မရှိကောင်း၊ ရှိလျှင် မကောင်း

-မိန်းမအကြောင်း တွေးတောခြင်းဖြစ်စေ ပတ်သက်ရန်ကြိုးစားခြင်းဖြစ်စေ ပြုလုပ်သူများမှာ စိတ်ရော ကိုယ်ပါ ကျန်းမာရေးကို ဆိုးရွားစွာ ထိခိုက်စေနိုင်သည်။

(ပြဋ္ဌာန်းစာအုပ်များထဲမှ အနည်းငယ်ကိုသာ ကောက်နှုတ်ဖော်ပြပါသည်။)



ထို့နောက် ထို့နောက်တွင်……..

ယောက်ျားကမ္ဘာ၌ ယောက်ျားများက မိန်းမသက်ရှိကိုအောင်မြင်စွာ ဖယ်ရှားနိုင်ခဲ့သူများအဖြစ် အမြဲဂုဏ်ယူနေကြပြီး ဆက်လက်၍ ယောက်ျားချင်းသာ သစ္စာရှိရှိ ချစ်ချစ်ခင်ခင် လက်တွဲသွားကြလေသည်။

စာကြွင်း။ ။ ထူးခြားချက်တစ်ခုမှာ မိန်းမများ ပပျောက်သွားပြီးနောက်တွင် မိန်းမဆန့်ကျင်တိုက်ဖျက်ရေးနေ့ကို အခြားနေ့များကဲ့သို့ နှစ်စဉ်မကျင်းပကြပဲ သတိပင်မရကြလျက် မေ့ပျောက်ထားကြောင်း သိရပါသည်။



ပြီး။

တို့အားလုံးအတူတူပဲ

အမျိုးသားတို့ စတိုင်ကျလှပဖို့

၁။ ရှုးဖိနိပ်

မိမိနှင့်သင့်တော်သော ရှုးဖိနပ်ကိုရွေးချယ်ပါ။ ၀တ်စားထားသော အ၀တ်အစားနှင့် မလိုက်ဖက်သော ရှုးဖိနပ်ကို ရှောင်ပါ။ သင့်ကို အရုပ်ဆိုးစေပါလိမ့်မယ်။ အရောင်တစ်မျိုးတည်းသော ရှုးဖိနပ်များ ဥပမာ- အမဲရောင်၊ အဖြူရောင်၊ အညိုရောင် သည် သင်ရွေးချယ်ဝတ်ဆင်ထားသော အ၀တ်အစားတော်တော်များများနှင့် လိုက်ဖက်စေတာမို့ ရွေးချယ်သင့်ပါတယ်။ မိမိဝတ်ဆင်ထားသည့် ဖိနပ်သည် ရှုး (သို့) တခြားအမျိုးအစားဖိနပ်များဖြစ်စေကာမူ သန့်ရှင်းစွာ ရှိနေခြင်းက သင်စတိုင်ကျ လှနေဖို့ ကူညီပါလိမ့်မယ်။

၂။ အ၀တ်အစား

မိမိနှင့် အမှန်တကယ် သင့်လျော် လိုက်ဖက်သော အ၀တ်အစားများကို ရွေးချယ်ပါ။ လှုပ်ရှားသွားလာနေချိန်မှာလည်း သက်တောင့်သက်တာဖြစ်စေသော အ၀တ်အစားများကို ၀တ်ဆင်ပါ။

၃။ သန့်ရှင်းမှု

လျှော်ဖွပ် သန့်စင်ထားသော အ၀တ်အစားများကို သပ်ရပ်စွာ ၀တ်ဆင်ပါ။ တစ်ကိုယ်ရည် သန့်ရှင်းမှုနှင့် သပ်ရပ်စွာ ၀တ်စားတတ်မှုက သင့်ပင်ကိုယ် အလှကို ပိုတောက်ပလာအောင် အရောင်တင်ပေးပါလိမ့်မယ်။

၎။ အရောင်

မိမိ အသားအရောင်နှင့် လိုက်ဖက်သော အ၀တ်အစားနှင့် မိမိရဲ့ အလှကို ပေါ်လွင်စေသော အရောင်ကို ရွေးချယ်သင့်ပါတယ်။ မိမိ မျက်လုံးအရောင်ပေါ်မူတည်ပြီး အ၀တ်အစားအရောင်ကို ရွေးချယ်တတ်ရပါမယ်။ ဥပမာ- မျက်လုံးပြာတဲ့ အမျိုးသားများဟာ အစိမ်းရောင် သို့မဟုတ် အပြာရောင် ရှပ်များနှင့် လွန်စွာ လိုက်ဖက်တာကို တွေ့ရပါတယ်။

၅။ ကိုယ်နေဟန်ထား

လူကြားထဲ သွားလာလှုပ်ရှားတဲ့အခါ မိမိရဲ့ ကိုယ်နေဟန်ထားကို သတိပြုရပါမယ်။ ပြီးတော့ မိမိ ၀တ်စားထားတဲ့ ၀တ်စားပုံကိုလည်း အသေးစိတ် ဂရုပြုသင့်ပါတယ်။ ကြယ်သီးများ လျော့တွဲနေတာမျိုး အ၀တ်အစားတွေမှာ ပေါက်ပြဲနေတာမျိုးကို သတိပြုရှောင်ရှားသင့်ပါတယ်။ ရှုးစီးတဲ့ အမျိုးသားများအနေနဲ့ အထက်မှာပြောခဲ့သလို ဂရုပြုသင့်ပြီး ရှုးနဲ့တွဲစီးမယ့် ခြေအိတ်တွေကိုပါ သေချာဂရုစိုက်သင့်ပါတယ်။

http://www.ehow.com

မျက်နှာလေးလှဖို့ နည်းလမ်း (၁၀) ချက်

၁။ သန့်ရှင်းစွာထားပါ

မျက်နှာအလှကို ထိခိုက်စေတဲ့ ၀က်ခြံတွေအတွက် ရိုးရှင်းပြီး ထိရောက်စေတဲ့ နည်းလမ်းလေးကတော့ အိပ်ရာမ၀င်ခင် သန့်ရှင်းစွာ မျက်နှာသစ်ပေးတာပါပဲ။ ဈေးကွက်ထဲမှာလဲ အမျိုးသားများအတွက် အမျိုးမျိုးသော မျက်နှာသစ်များ ရှိနေတာမို့ မိမိနှင့်သင့်တော်တဲ့ အမျိုးအစားကို ရွေးချယ်အသုံးပြုနိုင်ပါတယ်။

၂။ ဓါတုပစ္စည်းများကို ရှောင်ပါ

ဓါတုပစ္စည်းများပါဝင်သော အလှကုန်မှန်သမျှကို တတ်နိုင်သရွေ့ရှောင်ပါ။ သဘာဝမှထွက်ရှိသော ပစ္စည်းများကို အခြေခံပြုလုပ်ထားသော အလှကုန်များကို အသုံးပြုပါ။ သင့်မျက်နှာလေးလှပလာဖို့ ကူညီပါလိမ့်မယ်။

၃။ မျက်နှာကို မှန်မှန်သန့်ရှင်းပါ

ဓါတုပစ္စည်းများပါဝင်မှု နည်းသော ဆပ်ပြာရည်ဖြင့် တစ်နေ့ကို အနည်းဆုံး နှစ်ကြိမ် သန့်ရှင်းပေးပါ။

၎။ အသုံးပြုသော ဆပ်ပြာကို သတိထားပါ

ဆပ်ပြာခဲကို အခြေခံတဲ့ အနံ့အသက်ပျောက်ဆေးတွေကို အသုံးမပြုသင့်ပါဘူး။ ဈေးကွက်ထဲမှာ မိမိအသားအရေနှင့်လိုက်ဖက်သော ပစ္စည်းကို သေချာစွာ ၀ယ်ယူအသုံးပြုသင့်ပါတယ်။

၅။ မျက်နှာပေါ်မှ ဆဲလ်အသေများကို ဖယ်ရှားပါ

ကောင်းမွန်သော Facial Scrub ကို အသုံးပြုပြီး တစ်ပတ်ကို အနည်းဆုံး ၂ကြိမ် ပွတ်တိုက်ပေးခြင်းဖြင့် မျက်နှာပေါ်ရှိ ဆဲလ်အသေများကို ဖယ်ရှားနိုင်ပါတယ်။ မျက်နှာလေး ၀င်းပလာဖို့ အကူအညီပေးနိုင်မှာပါ။

၆။ အစိုဓါတ်ကို ထိန်းသိမ်းပါ

မျက်နှာလေး စိုနေစေဖို့ Moisturizer ကောင်းကောင်းတစ်ခုကို အသုံးပြုသင့်ပါတယ်။ မိမိ ရွေးချယ်မယ့် Moisturizer မှာ Amino acids, panthenol, hyaluronic acid ပါသော အမျိုးအစားကို ရွေးချယ်ပါ။ သင့်မျက်နှာလေး စိုပြေလှပစေဖို့ သင့်ကို ကူညီပါလိမ့်မယ်။

၇။ Toner ကို အသုံးပြုပါ

အမျိုးသားသုံး Toner များ ဈေးကွက်ထဲမှာရှိနေပါပြီ။ ရွေးချယ်ဝယ်ယူတဲ့အခါ လျှာစောင်းလက်ပတ်နှင့် ဗီတာမင် ကြွယ်ဝတဲ့ အမျိုအစားများက သင့်မျက်နှာ အသားအရေညီညာ လှပမှုကို ပြသပေးပါလိမ့်မယ်။

၈။ မျက်နှာကို ပေါင်းတင်ပေးပါ

မျက်နှာပေါင်းတင်ခြင်းဟာ အမျိုးသမီးများသာ လုပ်သင့်တယ်ဆိုတဲ့ အယူအဆဟာ မှားပါတယ်။ သဘာဝသစ်ဥများနှင့် လည်းကောင်း၊ သဘာဝနှင့်နီးစပ်သော ပေါင်းတင်ဆေးများနှင့် လည်းကောင်း တစ်ပတ်ကို တစ်ကြိမ်လောက် ပေါင်းတင်ပေးခြင်းဖြင့် သင့်မျက်နှာ နုပျိုလှပမှုကို သင်ကိုယ်တိုင်တွေ့မြင်လာပါလိမ့်မယ်။

၉။ မျက်နှာပေါ်မှ အမွှေးအမျှင်များကို သန့်ရှင်းပါ

အမွှေးအမျှင်များကို သန့်ရှင်းရာမှာ လျှာစောင်းလက်ပတ် ကို အသုံးပြုပေးခြင်းဖြင့် ပူလောင်မှုကို သက်သာစေပြီး နူးညံ့အေးမြတဲ့ အထိအတွေ့ကို ခံစားရပါလိမ့်မယ်။

၁၀။ နှုတ်ခမ်းသားကို ဂရုပြုပါ

အမျိုးသမီးများသာ နှုတ်ခမ်းကို ဂရုစိုက်ရတာမဟုတ်ပါဘူး။ အမျိုးသားများအတွက်လဲ ဂရုပြုသင့်ပါတယ်။ အရောင်ကင်းတဲ့ ရေဓါတ်ကို ထိန်းသိမ်းပေးတဲ့ Lip Balm လေးရှိထားခြင်းကလည်း နှုတ်ခမ်းအက်ကွဲခြင်း ခြောက်သွေ့ခြင်းများကို ကာကွယ်ပေးပြီး သင့်နှုတ်ခမ်းလေး လှပနေပါလိမ့်မယ်။



Ref: http://www.ehow.com

ရန်ကုန်မှာဆိုရင်…………

(၁)

မဖြစ်သေးဘဲ စိတ်ကူးယဉ်ဆန်တဲ့ ဖြစ်ရပ်တွေအတွက် ကျွန်တော်တို့ ပြောတဲ့ စကားတွေမှာ ….ဆိုရင်/…..လျှင် ဆိုတဲ့ စကားလုံးတွေ သုံးတတ်ကြပါတယ်။ ကျွန်တော်ပြောပြမယ့် လူတစ်ယောက်ကတော့ ………ဆိုရင် ဆိုတဲ့ စကားလုံးကို တစ်ခုနဲ့တစ်ခု နှိုင်းယှဉ်တဲ့နေရာမှာ ပိုသုံးတတ်ပါတယ်။ အရင်ကတော့ ဒီအသုံးအနှုန်းကို သူတစ်ယောက်တည်းကပဲ ရွတ်ဆိုပြောပြတတ်တာပါ။ နောက်ပိုင်းမှာတော့ သူနဲ့ ပတ်သက်ပြီး ကျွန်တော်ပါ သူ့အသုံးအနှုန်းတစ်ခုကို ပြောဆိုမိခဲ့ပါတယ်။

(၂)

``အေးလိုက်တာနော်`´

``အင်း မန္တလေးက အေးတယ်´´

``ရန်ကုန်မှာဆိုရင် မအေးဘူး´´

ဒီဇင်ဘာလရဲ့ ညပိုင်းမှာ ဆိုင်ကယ်နောက်က စီးလာရင်း ကျွန်တော့်ကို လှမ်းပြောနေတဲ့ သူ့အသံတွေက နှာစေးအအေးမိထားတဲ့ လူတစ်ယောက်ရဲ့ အသံနဲ့ပါ။

``အမှန်တကယ်ဆို ရန်ကုန်က ပင်လယ်နဲ့ နီးတော့ ရာသီဥတုက ပိုအေးရမှာ မဟုတ်လား´´
``ဘာမှမဟုတ်ဘူး ရန်ကုန်က သမပိုင်းဇုံ မန္တလေးက လွင်ပြင်ဆိုပေမယ့် တောင်တွေကာထားတော့ အေးတာ´´

မန္တလေးမှာနေထိုင်တဲ့ ကျွန်တော်ကတော့ ရန်ကုန်သားကို ဘာမှဆက်ငြင်းမနေဘဲ ပြောသမျှ လက်ခံပေးလိုက်ပါတယ်။

`` Diamond Plaza က အကြီးဆုံးလို့ပြောတယ် အဲဒီကို လိုက်ပို့´´
``အိုကေ´´

Plaza ထဲရောက်တာနဲ့ ရန်ကုန်သားတစ်ယောက်ကတော့ စပြီး တတွတ်တွတ်နဲ့ ပြောပါတော့တယ်။

``ဟင်း အကြီးဆုံး Plaza လို့သာ ပြောတာ ဘာမှလည်း စုံစုံလင်လင်မရှိဘူး ရန်ကုန်မှာဆိုရင် ဒီလိုမဟုတ်ဘူး Plaza တွေက Shopping ထွက်လို့ သိပ်ကောင်းတာ´´

ဖိနပ်ဆိုင်တွေ ရောက်ပြန်တော့လည်း

``ဟင်း ကြည့်ပါဦး ဖိနပ်တွေက ဘာမှလည်း မစုံဘူး ရန်ကုန်မှာဆိုရင် ဒီလို မဟုတ်ဘူး´´
``မဟုတ်ဘူးလေ ဒီမှာက နေရာကျဉ်းကျဉ်းမှာ Products နည်းနည်းပဲ ချပြထားတာ items တွေ မစုံနိုင်ဘူး လိုချင်ရင် Show Room သီးသန့်တွေဆီ လိုက်ပို့ပေးမယ်´´

အရုပ်လေးတွေ ပြထားတဲ့ နေရာကိုလည်း အလွတ်မပေး။ ကျွန်တော်ကတော့ အရုပ်ကလေးတွေ တော်တော်စုံစုံလင်လင်နဲ့ ပြည့်စုံတယ် ထင်ပေမယ့် သူကတော့…….

``အရုပ်တွေကလဲ ဘာမှလည်း မစုံဘူး ငါက မင်းကို လက်ဆောင်ဝယ်ပေးချင်တာ ဒီလိုမှန်းသိရင် ရန်ကုန်က ၀ယ်လာပါတယ် ရန်ကုန်မှာဆိုရင် သိပ်စုံတာ´´

ကျွန်တော် သူပြောသမျှ အင်း အင်းနဲ့ ခေါင်းငြိမ့်ရင်း Plaza ထဲကနေ သူနဲ့ အဆင်မပြေစွာ ထွက်ခွာလာကြပါတယ်။

(၃)

မန္တလေးကို သူ Korean Guide တစ်ယောက်အဖြစ် ဧည့်သည်နဲ့ ရောက်လာခဲ့ပါတယ်။
သူနဲ့ ကျွန်တော်နဲ့က ချစ်သူတွေပါ။
ကျွန်တော်တို့ နှစ်ယောက်ရဲ့ နေရာဒေသ ကွာခြားချက်ကြောင့် ပြောမိကြတဲ့ အကြောင်းအရာတော်တော်များများက သူနှိုင်းယှဉ်ပြောတတ်တဲ့ ………ဆိုရင် အသုံးအနှုန်းထဲ ကြားညှပ်ကုန်ပါတယ်။

``ငါ ဒီကိုလာရတာ စိတ်အရမ်းညစ်တာပဲကွာ မန္တလေးက ငါ့အတွက် အဆင်မပြေဘူး´´
``ဘာဖြစ်လို့လဲ´´
``ဟ ဒီမှာက သွားမယ်လာမယ်ဆိုရင် ဆိုင်ကယ်ရှိမှ ဆိုင်ကယ်စီးတတ်မှ ရန်ကုန်မှာဆိုရင် ဘယ်နေရာ သွားသွား Taxi ရှိတယ် လိုင်းကားရှိတယ်´´
``ဒီမှာလည်း ရှိပါတယ်´´
``ရန်ကုန်လောက်မရှိပါဘူး ရန်ကုန်မှာဆိုရင် နေရာတိုင်းမှာ Taxi ရှိတယ် ဒီမှာက လိုင်းကားတောင် မမြင်ရဘူး´´
``အာရှိပါတယ်ကွ လိုင်းကားတွေ မင်းမမြင်လို့ပါ´´
``ထားပါတော့ နေ့ခင်းတုန်းကလည်း ဧည့်သည်နဲ့ စက်မှုလိုက်သွားတာ စက်မှုဇုန်တဲ့ ဟား ဟား ရယ်ရတယ် သေးသေးလေးပဲ ရန်ကုန်မှာဆိုရင် ဒီလိုမဟုတ်ဘူး ရန်ကုန်က စက်မှုဇုန်ကို သွားကြည့်´´

ကျွန်တော့်သူ့ရဲ့ ….ဆိုရင်ကို နည်းနည်းအမြင်ကတ်လာတာကြောင့် ပြောမိပါတယ်။

``ငါလည်း ရန်ကုန်မှာဆိုရင် အဆင်ပြေမှာ မဟုတ်ဘူး ဘယ်သွားသွား လိုင်းကားတိုးစီးရမယ့် အလုပ် ငါမလုပ်တတ်ဘူး မန္တလေးက အေးဆေးပဲ ဆိုင်ကယ်ရှိရင် စိတ်သွားတိုင်း ကိုယ်ပါတယ် လွတ်လွတ်လပ်လပ်ပဲ ပြီးတော့ လေးထောင့်ဆန်ဆန် ဖွဲ့စည်းထားတဲ့ မြို့ပုံစံအရ လမ်းတွေက သွားရတာ အဆင်ပြေတယ် ရန်ကုန်မှာဆိုရင် လမ်းမကြီးတစ်ခုတည်းကို အထက်တွေ အလယ်တွေ အောက်တွေ ခွဲလိုက်သေးတယ် သိပ်ရှုပ်တာပဲ ပြီးတော့ တိုက်ခန်းတွေနဲ့ နေကြတာကိုလည်း မွန်းကျပ်တယ်လို့ ထင်တယ် ငါတော့ သဘောမကျဘူး´´
ကျွန်တော်ပြောတဲ့ အလှည့်ပြီးတော့ သူရော ကျွန်တော်ပါ ဘာမှဆက်မပြောဖြစ်ကြတော့ဘဲ မိနစ်ပိုင်းလောက် ကြာပြီးမှ မေးခွန်းတစ်ခု ထွက်လာပါတယ်။

``ဒါဆို ငါတို့ အတူနေကြရင် ဘယ်မှာ နေကြမလဲ´´
``အဲဒါကတော့ ငါမပြောတတ်ဘူး လောလောဆယ်တော့ မင်းရဲ့……ဆိုရင် အသုံးအနှုန်းကို နည်းနည်းလေးလျှော့´´

သူရယ်ပြီး ကျွန်တော့်ကို လှမ်းအဖက်မှာ ကျွန်တော်အလိုက်သင့် သူ့ကို ပြန်မှီထားလိုက်တယ်။

(၄)

``မင်းသာ ရန်ကုန်မှာဆိုရင် သိပ်ကောင်းမှာပဲနော်´´
``အင်း´´
``ရန်ကုန်မှာဆိုရင် မင်းသင်တန်းတွေ ဆက်တက်လို့ရတယ် မန္တလေးက မမိုက်ပါဘူးကွာ´´
``အင်း´´
``မင်းသာ ရန်ကုန်မှာဆိုရင် ငါတို့ အတူတူနေလို့ရပြီ ငါက အလုပ်သွား ပြန်လာရင် မင်းကစောင့်နေမယ် ပြီးတော့ ညစာကို အတူစား ဘယ်လောက်ပျော်စရာကောင်းမလဲ´´
``မင်းလည်း မန္တလေးမှာဆိုရင် ကောင်းမှာပဲနော် ငါတို့…´´
``ဟာကွာ မနေချင်ပါဘူး ဒီမှာကြီးတော့´´
``အင်းပါ ဒါဆိုလည်း မကြာ မကြာတော့ လာခဲ့ပေါ့ မန္တလေးလာတဲ့ ဧည့်သည်တွေရှိရင် သူတို့နဲ့ လိုက်ခဲ့လေ မဟုတ်ရင် ငါတို့တွေ တွေ့ရမှာမဟုတ်ဘူး´´

ဒေသစွဲကြီးတဲ့ ရန်ကုန်သားတစ်ယောက်ကတော့ ကျွန်တော့်ကို ဘာမှထပ်မပြောပါဘူး။

နှစ်ရက်လောက်ပဲတွေ့ဖြစ်ကြတဲ့ အချိန်လေးမှာ သူပြောတဲ့ ရန်ကုန်မှာဆိုရင်တွေ တော်တော်များများ ကျွန်တော်ကြားခဲ့ရပါတယ်။

(၅)

ဇာတ်ပေါင်းလိုက်တော့
ဖိတ်စာဝေလို့မရတဲ့ အိမ်ထောင်တစ်ခုကို သူရွေးချယ်ပြီးနောက်မှာ ကျွန်တော်ကတော့ မပြောင်းမလဲ မန္တလေးမှာပဲ ဆက်ရှိနေခဲ့ပါတယ်။
သူရွေးချယ်သွားတဲ့ သူ့အတွက် ဘ၀လက်တွဲဖော်က ရန်ကုန်ကပဲ ဖြစ်တာမို့ ကျွန်တော်တွေးမိတယ်။
အရင်သူ ကျွန်တော့်ကို ပြောခဲ့ဖူးတဲ့ ………ဆိုရင် တွေတော့ သူထပ်ပြောမိတော့မှာ မဟုတ်ဘူးလို့။
ကျွန်တော်ကတော့ သတိရတိုင်း ပြောဖြစ်နေတုန်းပါပဲ။ အဲဒါကတော့ ကျွန်တော်ဟာ မန္တလေးကမဟုတ်ဘဲ
``ရန်ကုန်မှာဆိုရင်……………´´

(ရန်ကုန်မှာသာဆိုရင်ပေါ့)


ပြီး။

အမျိုးသားများအလှအပအတွက်သတိပြုစရာ

ယနေ့ခေတ်မှာ အလှအပဆိုတာ အမျိုးသမီးများနှင့်သာ သက်ဆိုင်တော့တာ မဟုတ်ဘဲ အမျိုးသားများနှင့်ပါ သက်ဆိုင်လာပါပြီ။ ဒီတော့ သတိထားသင့်စရာအချက်လေးအနည်းငယ်ကို ဝေမျှလိုက်ပါရစေ။

၁။ အရေပြား

အမျိုးသားတွေရဲ့ အရေပြားဟာ အမျိုးသမီးတွေထက် ၂၀ ရာခိုင်နှုန်း ပိုထူပါတယ်။ အရေပြားဟာ ကြမ်းပြီး အဆီပြန်လွယ်ပါသေးတယ်။ ဒီတော့ အညစ်အကြေးတွေက ပိုကပ်ညှိနိုင်ပြီး သန့်ရှင်းမှုမရှိရင် အများအမြင်မှာ အဆင်မပြေနိုင်ပါဘူး။ ဒါကြောင့် အမျိုးသားတွေဟာ အရေပြားကို သန့်ရှင်းအောင် ဂရုစိုက်သင့်ပါတယ်။ နေ့စဉ်နေ့တိုင်း မျက်နှာကို သေချာစွာသန့်ရှင်းပေးခြင်းဖြင့် သင့်မျက်နှာအသားအရေမှ ၀က်ခြံနှင့် အမွှေးအမျှင်များကို လျော့နည်းစေနိုင်ပါတယ်။ နေ့စဉ် နှုတ်ခမ်းမွေးရိတ်ခြင်းဟာလည်း အသားအရေကို ခြောက်သွေ့စေတာမို့ ကရင်မ် (သို့) ဂျဲလ်တစ်မျိုးမျိုးအသုံးပြုသင့်ပါတယ်။

၂။ ထိပ်ပြောင်ခြင်း

အမျိုးသားတွေ အထူးသတိထားသင့်ပါတယ်။ လူတွေကြားမှာ အမျိုးသားတွေရဲ့ မိမိကိုယ်မိမိ ယုံကြည်မှုတွေကို ပျောက်ကင်းသွားစေတာက ထိပ်ပြောင်ခြင်းပါပဲ။ မျိုးရိုးလိုက်ခြင်းကြောင့်အဖြစ်များတာကြောင့် သဘာဝနည်းအတိုင်းဆိုရင် ဒီပြဿနာတွေကို ကျော်လွှားဖို့ လတ်ဆတ်ပြီး ဗီတာမင်ကြွယ်ဝတဲ့ အစားအစာများကို စားပေးရပါမယ်။ တစ်ပတ်ကို သုံးကြိမ် ရေနွေးနဲ့ ၁၅မိနစ်လောက်ရေချိုးပေးခြင်း သို့မဟုတ် သံလွင်ဆီဖြင့် ဦးရေပြားကို နှိပ်နယ်ပေးခြင်းများကလည်း အတိုင်းအတာတစ်ခုထိ ဒီပြဿနာကို ကူညီပေးပါလိမ့်မယ်။

၃။ လက်ချောင်းများ
သင့်ရဲ့လက်ဟာ အမြဲတမ်းခြောက်သွေ့နေတတ်သလား (သို့) ချွေးတွေပြန်နေတတ်ပါသလား။

ခြောက်သွေ့တတ်တဲ့ လက်ချောင်းများအတွက် ရေဓါတ်ကိုပြန်လည်ဖြည့်တင်းပေးတဲ့ ခရင် (မ်) ကို အသုံးပြုပေးနိုင်ပါတယ်။ ချွေးတွေပြန်နေတတ်တဲ့ လက်ချောင်းများအတွက်တော့ သန့်ရှင်းလတ်ဆက်တဲ့ အသီးအရွက်များများစားပေးရုံနဲ့ အဆင်ပြေနိုင်ပါတယ်။



Ref- http://www.ehow.com