အနိုင်အရှုံးအတွက်လား အပျင်းပြေစေဖို့လား
မသိပေမယ့် လေးထောင့်မဆန်တဲ့ ဘ၀ကစားပွဲမှာ ကျွန်တော်ဟာ ကစားရုပ် လေးတစ်ရုပ် ဖြစ်လာခဲ့ပါတယ်။ သက်မဲ့မဟုတ်တဲ့ကစားရုပ်ဆိုပေမယ့်
ကျွန်တော့်ကိုကစားမယ့် လူတစ်ယောက်ရဲ့ လက်ထဲမှာကျွန်တော်ဟာ အမြဲအသက်မဲ့နေခဲ့ပါတယ်။
ရည်ရွယ်ချက်အမျိုးမျိုးနဲ့ရွှေ့သွားတဲ့
ကစားကွက်တိုင်းမှာ သူလိုချင်တဲ့အကွက်ရစေဖို့ ကျွန်တော်အမြဲလိုအသုံးချ ခံရတတ်ပါတယ်။
လူအတော်များများရဲ့ ကဲ့ရဲ့ရှုံ့ချတာတွေကို
မသိသလိုနေရင်း သူကစားသမျှပွဲတိုင်းမှာ ကျွန်တော်ဟာဇာတ်လိုက်ပေါ့။ တစ်ခါတစ်လေသူ အနိုင်ပိုင်းပစ်လိုက်သမျှပွဲတိုင်းမှာ
ကျရှုံးသွားရတဲ့
ကျွန်တော့်လို ကစားရုပ်တွေတွေ့တိုင်း ကျွန်တော့်အလှည့်ရောဘယ်တော့များလဲလို့ ရင်တထိတ်ထိတ်နဲ့တွေးနေမိပါတယ်။
ချုပ်ချယ်တာမကြိုက်ဘူး သ၀န်တိုတာမကြိုက်ဘူး
ဆိုတဲ့ သူ့ရဲ့ (သူပြောတဲ့) လွတ်လပ်ခွင့်တွေအတွက် စိတ်ချမ်းသာစေဖို့အတွက် ကျွန်တော်အမြဲနှုတ်ဆိတ်နေတတ်ခဲ့ပါတယ်။
လှလှပပရွှေ့ရွှေ့သွားတဲ့ အကွက်တွေတိုင်းမှာ ကျွန်တော့်လို အရုပ်လေးတွေနဲ့တွေ့တိုင်း ကျွန်တော်ကိုယ်ချင်းစာမိပြီး
တော်တော်ခံစားရပါတယ်။ ဒါပေမယ့်လည်းလေ အချစ် ဆိုတဲ့ မမြင်နိုင်တဲ့အစွမ်းတွေနဲ့ သူကစားတဲ့အရုပ်လေးတွေကို
သေသေသပ်သပ် ကစားကွက်တွေမှာ နေရာချတတ်လေတော့ သူ့အတွက်လှုပ်ရှားသရုပ်ဆောင်ပေးမယ့် ကစားရုပ်လေးတွေတန်းစီနေတာ
မဆန်းလောက်ပါဘူး။ ကျွန်တော်ကိုယ်တိုင်လည်း နံပါတ်ဘယ်လောက်ဆိုတာမသိခဲ့ရပေမယ့် ခုထိတော့
ရင်ထဲကဒဏ်ရာတွေ ဗရပွနဲ့ အရုပ်လေးပါဘဲ။
လူဆိုတာ အရုပ်မဟုတ်ပါဘူးလို့
တချို့က ငြင်းချင်ကြပါလိမ့်မယ်။ မှန်ပါတယ်။ တစ်ချိန်ချိန်မှာ အရမ်းကိုပါးနပ်တဲ့ လူတစ်ယောက်ကို
ချစ်မိသွားတဲ့အခါ သူလှည့်စားတာခံရဖို့အတွက်
သူစိတ်ပျော်ဖို့အတွက် ကစားခံရတဲ့ ကျွန်တော်တို့တွေက အရုပ်လေးဖြစ်လာတတ်ပါတယ်။ ကျွန်တော်ထင်ပါတယ်
ကျွန်တော်ဟာ ဦးနှောက်မရှိတဲ့ လူတစ်ယောက်ဖြစ်ပြီး သူကတော့ အသည်းနှလုံးမရှိတဲ့သူတစ်ယောက်ဖြစ်နေနိုင်တယ်လို့။
ကျွန်တော်ကိုယ်တိုင်ကရော အသည်းနှလုံးရှိတယ်လို့သာ ထင်ပေမယ့် သူ့ကိုနာကျည်းတတ်ဖို့ မုန်းပစ်လိုက်ဖို့ဆိုတဲ့
ခံစားချက်တွေကို ကျွန်တော့်ကိုယ်ထဲက ဘယ်နေရာမှာများ ကျွန်တော်ရှာဖွေလို့ရနိုင်လဲ။
(မရှိတာလည်း ဖြစ်နိုင်ပါသည်။) လူလတ်ပိုင်းဆိုတဲ့အသက်အရွယ်မှာ ဘ၀ကသင်ပေးလိုက်တဲ့ အမှားအမှန်ခွဲခြားတတ်တဲ့
အသိစိတ်လေးရှိပေမယ့် မသိဟန်ဆောင်မိနေတော့ ခုထိတော့ သူကစားနေတဲ့ အရုပ်လေးပါဘဲ။
သူကျေနပ်သွားရင် ကျွန်တော့်ကိုခေါက်ထားခဲ့မယ်။
သူပျင်းလာရင် သူကျွန်တော့်ကိုကစားမယ်။ တချို့ပွဲတွေဆိုရင် ကျွန်တော့်ကို စောစီးစွာပဲ
ထိုးကျွေးလိုက်ပြီး ပွဲပြင်ထုတ်ပစ်လိုက်တတ်သေးတယ်။ (အပယ်ခံပေါ့)။
ရုန်းလေ နစ်လေဆိုတဲ့သူ့ရဲ့
နွံထဲမှာ ရုန်းထွက်ဖို့အင်အားမရှိတာရယ် သိပ်ချစ်မိနေတာရယ်ကြောင့် ချစ်သူရေ မင်းရဲ့လက်ထဲက
ကစားရုပ်လေးငါ့ကို စိတ်ကြိုက် စိတ်ကြိုက်သာ ရွှေ့လိုက်ပါတော့။
09-91039742
လူအချင်းချင်းလှည့်ပတ်ချင်းကင်းဝေးကြပါစေ။
No comments:
Post a Comment